سلام تسليم الوفى يوم الوفى ماله مكان=ألا مع رجالٍ تمد الاوله للاوله
هذا زمن الكذب والترفيع وأقمح يازمان=حتى حصاة أرزاح لو تدري ماجات محوله

ياللي تسلم مرحبا ترحيب من قلب ولسان = واحسب حسابك للمسافه والعلوم امطوله
هذا زمان (ن) فيه خير وفيه خوف وفيه امان = لكن يالله لاتعين العالم المتسوله

أشره على الي لا وقف ماهوب يضمنها ضمان=ماراح يتجول سوات العالم المتجوله
هذا زمانٍ من بغاله عشر مايضمن ثمان=والناس ماتقدر على حاجه لكن امهوله

اللي مايحفظ ماقفه ودك تكزه بالسنان = كلمه نقدمها ولكن من قديم امقوله
الرجل مايشكي من الدنيا وباذن الله معان = يعينه الله لو حموله فالجنوب امتوله

عدونا دايم نكزه من على ضهر الحصان=والصاحب الوافي ليا ضاقت علاه انموله
بنذوقك بن اليمن والدله أم الزعفران =والي يسوي لك فناجيل المعزه سوله

ياطيبكم ياربعنا يا اهل السنان مع العنان = لكن حنا اللي يعادينا نقوم انغوله
دلتك مشروبه ياراع الكيف دوب الكيف زان = حيثك كريم وحولك اجموع الرجال امظوله