اليوم اذيعت قائمة اسماء الـ 100 شاعر في شاعر المليون
ولإحقاق الحق أنا ممن إستغرب عدم وجود اسم الشاعر المخضرم/ بدر غازي المطيري وهو صاحب القصيده الوحيده في الشعر الشعبي التي دخلت موسوعة جنيس للارقام القياسيه كإستغرابي لعدم ضم القائمه للشاعر العملاق / مدغم ابو شيبه السبيعي وايضا الشاعر الكبير الذي ابهر الجميع / نايف معلا العتيبي
المهم انني احببت توضيح ان هذه المحاوره في نفس اعلان الاسماء لكي تدخلوا في جو الطاروق الذي نقلته لكم والذي انتشر في اكثر من ثلاث مواقع في نفس الليله ولايدل هذا الا على براعة الشعراء والطاروق
تفضلوا والبداية مع
نايف صنهات العتيبي
سلام والعلم إحتمى ياامطير والموقف خطير=وأخباركم عند الرجال أهل العلـوم مسنّعـه
ياشاعر المليون وش سوّيت في عزوة مطير=العام تركي ضيّعـه واليـوم بـدر وضيّعـه
فرد بدر غازي
يامرحبا ترحيبةٍ تصقل مثل حد الشطيـر=وأخبارنا يالدلبحي منهو سمعهـا تنفعـه
عزوة مطير اكبر من المليون لو انه كبير=وانا وابن عمّي ماوالله نلتفـت للفرقعـه
نايف صنهات العتيبي
دام البقاء لكنّ أنا مالي دخل فااللي يصيـر=علوى وصارت ضدّ عبدالله وهذي تقنعـه
عزوة مطير أكبر من المليون لو إنّه صغير=فأنظارنـا لكـنّ وش ودّاك يـمّ المعمعه
بدر غازي
الحيّة اللي وسط خرج اشعيل مـاوالله تضيـر=ياللـي تمـد إلسانـك إبليّـا سبـب لانقطعـه
في الوقت لو انك موظّف ما انت أقلّ إمن المدير=وحنا ليا شفنا الجبـل نصمـل عليـه ونطلعـه
نايف صنهات العتيبي
كم قلت له ليتك ياإبن غازي قبل تطرد تنير=لكن بدر مشكلته إنّه كل شيءٍ يطمعه
طلعتك في رأس الجبل ردّتك يامطاري كسير=كسرٍ تشيب مع الليالي ماتناسيت(إ)وجعه
بدر غازي
في كل درب امشيه من رآئي ولاأحتاجك شوير=وبدر ليـا منّـه ورد للبيـر يآصـل منبعـه
انتـه مشاريهـك يانايـف لاقليـل ولاكثيـر=وانا مشاريهي على البيرق و ربعـي ترفعـه
نايف صنهات العتيبي
هذي عدود رماح ماياصل لها الحبل القصير=وأنته تبى تارد علاها والحبال مجبّعه
ليتك مادام إنّك نويت لربعك المطران خير=دوّرت شاعر يرفع البيرق ومثلك يتبعه
بدرغازي
الفارس اللي يقضب عنان الفرس دايم يغير=اما كسب منهو غزى عليه والا روعه
ربعي مطير اطرفهم اليا من وقف عنهم سفير=والله لنطلع يالعتيبي موقفٍ ماتطلعه
نايف صنهات العتيبي
الفارس يحسّب قبل يغزي لتحديد المصير=والجاهل ليا أغار مايحسب طلع من موقعه
ماقصّروا معك أهل الردات حتى باالصفير=لكنّ تفشّلهم كذا هذي تسمّى "موجعه"
بدر غازي
مطير تفعـل ماتصفّـر ميـر دوّر هـرج غيـر=قـدام لا آلحـم لسانـك فـي جمـاك وتبلعـه
نايف صنهات العتيبي
مجنون من يصمل بلا مركب على البحر الغزير=لكنّ يستاهل مادامه سدّ عينه بإصبعه
مانيب أذمّ مطير لكن طيرهم عيّا يطير =لكنّ ردّوا طيركم يامطير وأضفوا برقعه
بدر غازي
ما آقول في عتيبه مايوجد شاعرٍ كفؤ وجدير =واللي مانحّى جغمة الله الماء كيف يبغىْ إيقرطعه
الحِصْنِ يارجال ماوالله تشابه لـ ( ......)=ياطير ياللي برقعه يكْشفه في وقت السعه
نايف صنهات العتيبي
ماعاد عندك عذر يامطاري هذا العلم "الآخير"=وفعلاً طلعت آخير والآخير ماأحـدٍ يسمعـه
أنا أحمد الله والله إني مالحقني عرق(.....)=وليا نويت آصل ولايلحـق بوجهـي قامعـه
ثم ختم المحاوره بدر بن غازي
أنته آماره يالعتيبي مير مافيها آمير=دعْوَتك ماتت مير رح جاور قليلين الدعه
صاحبك يسبح في البحر وانته ماتسبح في الغدير=اعرف مكاني والحظوظ إعْلى العباد إموزعه
اخترت لكم هذه المحاوره واتمنى ان تنال على استحسانكم
اخوووووكم
واسم اللاحي
