الليالي تمنع الرجال عن شوف الحبايب=والحبايب تجبر الرجال في مسرى الليالي
قلتها من بعد ماشفت العجايب والغرايب=قلتها من شي واقع لامزوح ولا خيالي
قلتها من حرتن جوف الصدر مثل اللهايب= يوم شفت الوقت يمنعنا نشوف انسان غالي
لايجينا ولانجيه وحلمنا بين الهبايب=مرتن يرمى يمين ومرتن يرمى شمالي
لن بغيت اروحله قلبي من المشوار هايب=المسافه شاسعه والحب واصل للهبالي
وان تركت الحب واعلنت اني اعن الحب تايب=ماقويت اعيش دونه صارت همومي ثقالي
ياوجيه الخير من عنده على الفرقا طبايب=علموني ياوجيه الخير عن طبن حلالي
والله اني ماجنيت من الهواء غير المصايب=ماقعد فالارض شي من الماسي ماجرالي
الشقاء والهم والغربال وجروحن عطايب=والسهر بالليل والضيقه ولايرتاح بالي
لن وفيت مع الحبايب وصلهم لازال غايب=ولن جفيت مع الحبايب ماقويت اعيش سالي
صرت في حيره وقلبي ممتلي هم وعقايب=والاوادم من جفاها ماتحس ولاتبالي
صرت في حيرة عنا والراس من هالوقت شايب=شاب راسي والعمر عشرين عامن دوب جالي
شاب راسي من غرابيل الحياه ام العجايب=يازماني وش بقالي ياحظوظي وش بقالي
لعن ابو دنياً تشيل الوصل من بين القرايب=ولعن ابو وقتن يعز الاش ويهين الرجالي

المشاركة الأصلية كتبت بواسطة ابراهيم الزراقي (المشاركة 495409) (((( غرابيل الليالي))) الشقاء والهم والغربال وجروحن عطايب=والسهر بالليل والضيقه ولايرتاح بالي لعن ابو دنياً تشيل الوصل من بين القرايب=ولعن ابو وقتن يعز الاش ويهين الرجالي

المشاركة الأصلية كتبت بواسطة صنداح الزلامي (المشاركة 495464) ابراهيم الزراقي صح لسانك ياولد العم شاعر متمكن حقيقتأ ارجو لك التوفيق قصائدك تمتاز بالجزالة وهذا دليل عى شاعريتك يابراهم تقبل مروري وفائق احترامي

المشاركة الأصلية كتبت بواسطة شامان الاسعدي (المشاركة 495597) صح الله اللساااااااااااانك وافيه من وافي كلام معبر وقريب من الذات إذا تمكن الشاعر من هز ابدان القراء بما يكتب من كلمات شعريه معبره فهو من الطراز الثقيل وانت كذالك يا ابراهيم صح اللسانك مر اخرى واتمنالك التوفيق تقبل مروري اخوك شامان الاسعدي