من ماضي عصور العرب لين تاليه=وبكتاب رب(ن) ماسكه في يميني
نصف الحلا متميز(ن) يوسف(ن)فيه=والنصف الاخر وسط عينك سجيني
يا ملهمتني كل ما قلت لبيه=لبا عيون(ن) جابت العيد فيني
ولبا غرامك كل ما حل طاريه=ولبا خفوق(ن) بالغلا يحتويني
شفت بيمين العين عشق(ن) تخفيه=جنه غرامي فيه واحلا سنيني
وشفت بيسار عيونها ظامي التيه=رجل(ن) قضى باقي حياته حزيني
وشفت القبر لا عقد حجاج عينيه=كني بوسطه والقبر ضاق فيني
ياويش باقي من الحلا ماخذيتيه=حلا بني جنسك معا كل زيني
سم العقارب للعواذل سقيتيه=وانا من احلا كاس عشقك عطيني
قد قلت لك زين العذارا ملكتيه=واليا سمعتي كلمتي صدقيني
نصف الحلا متميز(ن) يوسف(ن)فيه=والنصف الاخر وسط عينك سجيني