تعالوا كلبوكم
 

تعالوا كلبوكم لاحدٍ يجلس بعيد هناك
........................ باعلمكم وش اللي صار والعهده على الراوي





يقول الراوي ان الزين يا زايد يبي فرقاك
............................ وانا والله مدري داعج العينين وش ناوي






انا خابره مره قال لايمكن أبد أنساك
........................... وش اللي غيره ؟؟؟ يا خوف قلبي يصبح مهاوي





حبيبي هييييييه ما تسمع ترى راع الغلا ناداك
.......................... تعال الله يرحم والدينك سنّع الغاوي





انا ودي تعلمني وش اللي بس مني جاك
.......................... ترى ذيب المحبه في ضلوعي من سنه عاوي






تدلل واطلب اللي تطلبه قل هات واسمع هاك
......................... من ايسر قلبي المجروح لايمن قلبي الذاوي







شراييني باقطعها وخذها علها تفداك
......................... تمتّع في عذابي ياعذابي جعل ما تاوي







تفضل دوك قلبي ياحبيبي حطه فــ مخباك
......................... انا راضي أعيش العمر كله وضع مأساوي







على كيفك تصرّف في حبيبك بس ما يخفاك
......................... ترى الأرض استدارتها تمثّل شكل بيضاوي







بمعنى لو بغيت تروح عني كم سنه والقاك
......................... واشوفك وقتها طاويك من زود النيا طاوي







لذلك حط في بالك مادام اني معك واهواك
........................ بلاش نعيش في هوشه زملكاوي وأهلاوي






عساني ما انحرم صوتك ولا شوفك ولا لاماك
........................ عساني ما انحرم وجهٍ مثل نور القمر ضاوي








ابيك ترتب اوراقك وتترك عنك ذاك وذاك
....................... قلوبٍ سود وثيابٍ نظاف وفكرها خاوي






تعال وخلنا نجلس عن العالم بعيد هناك
....................... مكانٍ ما يجينا فيه لا ناقل ولا راوي

صح السانك اخوي زايد الرويس

على هالقصيده الجزله ولاعدمناك وماقصرت


تحياتي

الروقي

[poet font="Arial,5,darkred,bold,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=" glow(color=white,strength=5)"]
يقول الراوي ان الزين يا زايد يبي فرقاك =وانا والله مدري داعج العينين وش ناوي

انا خابره مره قال لايمكن أبد أنساك =وش اللي غيره ؟؟؟ يا خوف قلبي يصبح مهاوي
[/poet]


صح لسانك يازايد

عز الله انها جت بالثمانيات


اخوك فهد نجد

صح لساااااااااااااااااانك


قصيدة رااائعة



وقمة الإبداع




تحياااااااااااااااااتي

صح لسانك يازايد الرويس


قصيدة في قمة الروعة والابدااااع



الى الامااااام يازايد ؛؛ ولاتحرمنا من قصائدك :)



تحياتي

ابو وعيل

صح لسانك ولاعدمناك



حضرناكلبوناواعتبرناكلنايمناك



ترانافي ضلام الليل نصبح نحمك الضاوي

صج لسانك اخوى ابو عا يض الرويس
والى الاما م
اخوك / مطلق

صــــــــــــــــــــــــــــح السانك يازايد

صح لسانك على ها القصيدة و الى الامام
بانتظار جديدك
اخوك نهيان الحمادي