سلام بعد اسبوع مدري فوق الاسبوع بليال=مير المهم اني عقب ماغبت راجع بالسلام
دخلت ابقرا فالقصيد وفي معانيه الجزال =ولادريت الا القريحه طيرها فالراس حام

يامرحبا واللي حضر ما قالت العربان طال=مير المهم بمرحبا ياصاحبي نبدا الكلام
الكنز من صرف الذهب ..والكيف في خشم الدلال=واللي تهيض خاطره يرقب لعينه لا تنام

دام البقا واهرج معي هرج ٍ ماهو قيل ٍ وقال=انا حشيم وجيت لي ربع ٍ يعزون الحشام
نسكن على القمه بحمد الله وفيها لانزال=واللي يعاندنا يبي يذعن ولاياصل المرام

اهرج وأنا أهرج والوفا لأهل الوفا سلم الرجال=اللي لها بين النجوم المرقبه قدر ومقام
وكانك تبيها بالمثل قال المثل وأضرب مثال=المحترم لو هو عدو يفرض عليك الاحترام