مرحبابالشاعر اللي مايبا غير الزعامه=وانشدته مامعه حجه ولاعنده دلاايل
مايغش الجاهل الا حلمه اللي في منامه=واخر الايام بعض الناس مدري كيف قايل

البقا باسم الزعيم اللي رفع ربّي مقامه=والدلايل مثل نور الشمس في عزّ القوايل
الشجيع اللي ليا جا القوم ما تبرد عظامه=يعتبر فارس ليا عدّو مشاهير القبايل

ليت بعض الناس يارجال فكر في كلامه=وانت اظنك ماتفرق بين عدل وبين مايل
الحقايق واضحه والنور جلاي الظلامه=واعرف ان الفرق واضح بيننا والشك زايل

فالحقيقه ما حسبت حساب لبّاس العمامه=استلمها كاش يا رجال ما عندي تحايل
بارك الله في رجالٍ عنك يجلون الملامه=والمواقف ما حماها غير ما ضين الفعايل

الحقيقه فيك يارجال نوع امن الغشامه= لاتقوله ونت ماتاقف مواقيف الصمايل
ياجمل حنا نعرفك لاشداد ولامسامه=والمواقف مالها الاعمها والراس طايل

لو فيّ من الغشامه نوع ما فيّه رخامه=وانت يا طيبك ليا غنّيت زينات المثايل
المواقف ما تبا رجّال ضحكه وابتسامه=عمّها ماهو بنايف عمّها واف الخصايل

تعرف ان الحر ماينظر بعينه فالحمامه=اسمعوها وفهموها يالرجال اهل الجمايل
المواقف ماتبا الاواحدن يكرب حزامه=وانت منتب عمها لاتجهل عيال الحمايل