حبيب ومستور
 

حبيب العازمي:

أنا ومستور ربع ومثل الإخوان

لكن هذا السنة ماني بداري

والسر موجود في خاتم سليمان

ولا قراه سلمي والا مطاري
مستور العصيمي:

هذا منول لكن اليوم يافلان

حطيت لك يا حبيب عم غاري

رفعت راسك وصار الجيب مليان

والا منول تقيل فالكباري

حبيب:

انته متى جيت عمي يا كحيلان

عمت بك اللي تهبد فالغداري

هذا جزايه وتقديري على شان
حميتكم من سواويق اللواري
مستور العصيمي:
واسمع كلامي وعوذ كل شيطان

قلدتك السيف الابيض والسواري

الطيب اللي يدينها ويدان

يوم المغازي وحافية السماري

حبيب:

يا ربعنا اللي ورى عبلة خساران

ياليتكم تشربون من الخباري

ياما وياما وياما كان ماكان

وابوهريرة على جنب البخاري
مستور:

ياربعنا اللي حوالا ضلع هكران

معزلين الخناجر والشباري

العازمي فك له للشر بيبان

دوب استوت للبيوع وللمشاري

حبيب العازمي:
يالتاجر اللي وراك الفين دكان

والفين عامل يشيلون الهواري

اتحدنا لين تشرب مر مران

مران مره يصيبك بالهذاري
مستور العصيمي:

ياربعنا كنكم صمان عميان

العازمي صار ذالليل انتحاري

مشكور على النقل الرائع وبيض الله وجهك يابو سلطان

مشكور على النقل يابو سلطان ويعطيك الله العافيه





وتقبل تحياتي

محاوره قويه من معانيه وجزالته

الله داركما يابا تركي ويابا فيصل

تاج راسي معجب العتيبي يامال الغناه يالغالي

امتعتنا فـي هذي الرائعه

أخوك ابن مطير (( بدر الديحاني ))

مشكور على النقل يابو سلطان ويعطيك الله العافيه

لاهنت يامعجب ماقصرت ..