تعال يالفالح وشد احزامك الليله ترى = قدمك ترى دربين وانته دوّر اللي ترغبه
من لا هدى بالجدي عز الله ترى الساري سرى = وانته يابن ثعلي رهين اللي تقول وتكتبه

اهبّ لو انّك تعرف اللي على بالي طرى =والله ما تزهم علي فاللعب ولاّ تطلبه
ترى الوعد يا صاحبي قدّام لا ترجع ورى=العلم عندي شدّ راسه لو تجوّد فذنبه

خابرك شايل في قليبك علمٍ أكبر من كرى = مااقول غير الصبر زين , أصبر شويه وأشعبه
كم واحدٍ ياصاحبي اليا نهض يبرك زرى = أقول جعلك منت منهم , والبحر من يشربه ؟؟

بسم الله الرحمن موتك حان والله اكبرا=ان كان من عمرك ما ذقت الموت مرّه جرّبه
انا جرحتك عام الاول جرح يبطي ما برى=انته حسابك يا عديم المعرفه ما تحسبه

الموت واحد وانت مت ومت شف دمك جرى !!= من سيفنا بنشد يارجال كم ألك أرقبه ؟؟
ياذيب لولا الضلع محدن عن عوى صوتك درا = كم ذيب يعرف ذيب باسمه بس ماهو منسبه

طبيعة الغافل تجيه الناس و هوه ما درى=ما يدري الرجال فالصندوق ولاّ المرتبه
تبا تذرّى ما انت لاقي لك عن الفالح ذرى=وانت ولد طيّب و فعلي فيك ما تستغربه

تراه حالك وانته اللي بالتغافل قد ضرى = لك قلب عن قلبين لكن معي تبطي تقلبه
كم واحدٍ سديت حلقه يوم شفته بالغرى = المرجله راحت من الطيب بعد راح شنبه !!

السوق طايح معك ما فالسوق بيع ومشترى=والطيّب اللي يالسميري ما تغيّر مذهبه
انا ليا منّي بغيت اكويك وعيونك ترى=الميسم الحامي على طول الليال اكويك به

صحيح ماتشري معي لأنك على حد الثرى = يامدّور الكسبات مابه شي يمكن تكسبه !!
العبد يالفالح ترى في سيده مايامرى = لكن لازم له عصى حتى لا شافه يرعبه .