مرحبا من هجوس الشعر في كل حين = ياعميل ٍ يمد ومدته وافيه
سارح البال مبدع يعجب المبدعين = ياعسى له تدوم الخير والعافيه

البقا من هجوسن تعجب الطيبين=ياعميلن نعرفه وقفته كافيه
والشكر والثنا لأصحابنا الفاهمين=دعوتن طيبه من نيتن صافيه

اسر ليلك وخلك فالطريق اليمين = والعواريف ماتحتاج عرافيه
ياقوي المعرفه يالفطين الذهين = شف لك وقفة ٍ ماهيب ميقافيه

مانحايد عن دروب الغلا والثمين=والعواريف بالميدان متكافيه
هات علمك وعجل يالذهين الفطين=وامش في درب واضح واحفظ القافيه