مرحبا مدري هلا والسلامه ماتفيد = كان فالاشراف شاعر يعد المرشدي
انت شاعر معتبر لو تفيد وتستفيد = مار تعطيها على الصاج مع كل اجودي

البقاء ثم البقاء يالمقاطي ليل عيد=مار دقق في علومك شويه لا تغدي
وانت شاعر معتبر فالمواقف لك رصيد=والمواقف حكمها يجبر الرجل يعدي

الرجال افعالها مثل حد بن الوليد = والحبال طوال للجم والقاف الندي
كثرة سيوف العرب ياسعود ويا سعيد = وانتشب راع القراده ولا وصل الجدي

والله اني ما اقنص لوداياً ما فيه صيد=وانت ذيب وتعرف بقولها وش مقصدي
اسمع الرعاد يرعد وبراقه سديد=مار يمطر فوق صبخا وقيعان صمدي

قصرت الخطوه وضاقت صدور اهل القصيد = مانبا نزعلك لا عل يفداك الردي
من يشعفها بلا سرج ترميه لبعيد = استلف مجهر صحيبك ودقق يابعدي

اثبت الحجة ونعطيك منا ما تريد=فالطريق المعتدل لا تظلي تحتدي
بينت شمس الضحى واختفى كل الجليد=مار يالله تستر الحال يارب تهدي