| ضيف الله المنجومي |
23-Nov-2007 11:15 PM |
الهيــــــــــــــــــــــــــــــــــــــلا
الهيلا
ابتدي بسم الكريم اللي عيونه ما تنام = شرف ارض المملكة بالبيت واعلى شانها
انعمي يادولة الاسلام في خير وسلام =وافخري بـ املوكنا اللي خدمتك عنوانها
خادم البيتين عبدالله ملك وابن الامام= وساعده سلطان اخوه وعشت يا سلطانها
الولا منا لهم قول وفعل ماهو كلام = الملوك اللي نسبها من نسب جدانها
يا عناوين القصيد النور جلاي الظلام = كلنا امة نبي بـ اشــــــــــكالها والوانها
اكتب اجزال القصايد والهزيلة ما تسام= مطلق اعنان القصايد وانتقيت اسمانها
قلتها في لابتي واللي سواتي مايلام =لابةٍ من جودها ما قفلت بيــــــــــــبانها
ون مدحت اعتيبه الهيلا على عز ونظام =ما تجاهلت القبايل في ذرى شيخانها
ربعي اعتيبه ونا منهم على صدري وسام = ماقفي ماقف عتيبي ٍ ماهو مدانها
من سلالة ثابت ابن سعد ابن بكر الهمام=من ثبيت اهل الحجاز مثبته سيسانها
ربعي اللصة ولاد اصرار والعتبان لام = من طفيح ومن نفيعي ماختلف ميزانها
في هوازن نلتقي ( هيلا ) ليا اشتد الحزام = اهل سيف وكيف وارجالٍ طوال ايمانها
السحاب اللي من اجبال السراه انشا وقام = ساقته ريح الوفا في ملتقى عتبانها
وانبتت صحراك يا نجد العذية بالخزام = لين ريحه فاح بـ صدور الوفا وابدانها
واجتمعنا فيك يانجد ولنا ذروة سنام =ملتقى الهيلا بسم برقا وروق أعيانها
الكرم والجود والنخوة من احلى مايرام = والمزاين عندهم مايرخصون اثمانها
والمحبة والمودة والتأخي والوئام= ميزة ارجال ٍ تشوم العاليات اوطانها
واسمحولي لين اوضح كلمةٍ قبل الختام = اومرانا للقبيلة عزّها واركانها
من عطاهم طيب والله لايخاف ولايضام = ومن تهقواهم غدا حاله عشى فرسانها
الصعيبة ما تساوي عندهم وزن الجرام= فزعة المظلوم مزبان الدخيل ارهانها
واختم بذكر النبي الهاشمي خير الانام = هادي الامه مجنبها غوى شيطانها
|
