سلام ردية وفا حسب العوايد والسلوم =تسليمة الاسلام سنه دايمٍ للمبتدي
سلطان اشوفه ياجماعه لد عينه للنجوم= الظاهر انه طامعٍ فسهيل مدري فالجدي

يامرحبا ترحيبه ..من بعدها زين العلوم =شوفك هنيا ياولد جودان غاية مقصدي
الد عيني فوق دايم ياعسى حظ يقوم =ماهو بهمي راحه فوق البساط الاحمدي

دام البقا والطير عانه فالسما فوقك يحوم =عينه على جذع الشجر واحيان للغصن الندي
ترا العوافي يالجذع وقت الشدايد ماتدوم=اهديك وانته يالجذع ماكن ودك تهتدي

ليتك تكب الكلمه اللي ماتقضي لك لزوم =انته علاك ملاحظه فالدرب دايم تحتدي
فأخر قضيه ياوسيع المعرفه صرنا خصوم =ماجبت لعلومك سند واضح ولا اقنعك سندي

لا تستمع ياصاحبي هرج العواذل والرخوم=تراي اعدك ياعميلي دايمٍ مثل اولدي
انته وانا من عزوةٍ لاثارت الهيجا قروم=وان كان مارديت نفسك لردا قلت ابعدي