من سلوم المسلمين اللي على مذهب ومله=البدايه بالسلام وياسلام الله سلامي
الفصول الاربعه ماغيرت دور الأهله=والأهله ياجماعة خير تعرف بالأسامي

من سلوم المسلمين أليا لفاك الضيف قله=مرحبا يامرحبا والنور جلاي الظلامي
الكلام اللي وردنا مالقانا معه أدله=مار ربعك يعرفون الذيب من وجهه الحرامي

علم(ن) ينومسك هاته علم(ن) ينقدك خله=وأنت ماتحتاج من يوصيك يالحر القطامي
القمر في كل ليله ماتغير عن محله=مار كب الراي لحبيب وملفي والزلامي

انت ياراع العجين اللي دفنته وسط مله=جنب عن الدرب يوم الدرب طمه سيل طامي
تاخذ من الليل نصفه وان سرى فالليل كله= تحسبن الفلم كوميدي واثر فلمك درامي

كان وصل العلم حد السيف سل السيف سله=خير وألا شر والله شي عادي فأهتمامي
قسم الليل أنته بكيفك ولا أدري وش تصله=وإخذ قسمك كلبوه وفلمك إنتاجه تمامي