ياليل تغبط فرحتك كل الافراح = في مجمعٍِ زوّد لنفسي فرحها
بين الليالي كن في عنقك اوشاح =اوشاح من ربك الخلايق منحها
قلبي كما طيرٍ معه ريش وجناح=من فرحته جنحان ريشه جنحها
سلام ماهبت ذعاذيع الارياح= وماحركت خضر الجريد وبلحها
وسام مابرقٍ مع المزن وضاح = يشعل سناه وصلف ريحه نطحها
والشعر حر وجبت للحر ملواح = وان كان هديته طرحها طرحها !!
وهذا مجاله ياطويلين الاشباح = في واحدٍ طيب الفعايل شبحها
نفسه هوت ترقى على كل لحلاح = شامت ولحدٍ للعوالي نطحها
ولا اقول انا بالهرج والمرج مداح = لكن فعله للخلايق مدحها
هذا رفيقي كان للوقت مرواح = رفاقةٍ يامكسب اللي ربحها
ترى الجبل يبقى جبل دوم مانزاح = لابه ولحد فالمنازح نزحها
والقاف في مدح المطاليق ينساح = يبقى ودورٍ للزمن مامسحها
قد قالوا ان الطيب هو راس الارباح =حتى ولو ماجاء لنفسك ربحاها
والطيب لو انه بالاموال يجتاح = أصبح كثير الناس تملا قدحها !!
لكن كايد والمخاليق شفاح = ولا هو كما تمر القصيم وبلحها
الطيب يبغا له مساري ومسراح = ومن العنى لابد تلقى قرحها
هذا وانا ماني على القول ملاّح = يومن بعض الناس هرجه ملحها
والله لو اني للأشعار سباح = لوفيه لكن تتعب اللي سبحها
يالليل تغبط فرحتك كل الافراح = في مجمعٍ زود لنفسي فرحها