الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   الميت اللي مات ذكره وهو حي (http://www.otaibah.net/m/showthread.php?t=54045)

عبدالله النفيعي 19-Nov-2007 10:53 PM
الميت اللي مات ذكره وهو حي
 
ياصاحبي مهما وصل سمعـك هـروج=دخل مـع اذنـك ذي وتـروح مـع ذي
ولو زاد هرج الناس لاتصير مزعـوج=مانقصـو مـن قـدرك وقيمتـك شـي
مايقنـع اللـي دمـه بحقـد مـمـزوج=مهما بذلت الطيـب فـي نظرتـه سـي
نارك سناهـا شـب فضلوعـه العـوج=ومن خاطره لامن حكـى تبـرد شـوي
وترا الحكي مايطـرده غيـر مرجـوج=اكبر طموحاته مـن اللـي حكـى فـي
واللي هموم الطيب في صـدره تلـوج=لايشغـل افكـاره بعـي(ن ولـد عـي
يكـون مثـل الغيـم هملولـه تــروج=وعلـى كثـر ماصـب ماشـح بالمـي
من خيره الارض اصبحت زرع ومروج=يلقى بهـا لاشـان وجـه الدهـر فـي
راع الوفا فعلـه كمـا الصبـح مبلـوج=ماينجحـد لـو يجحـده راعـي الغـي
ماقد تحـرا مـن ورا الطيـب منتـوج=يلقى جزا فعلـه مـن الواحـد الحـي
كم واحد(ن)ذكره مـع النعـم مدمـوج=وعلـى سبيـل الامثلـه حاتـم الطـي
مامات من بالطيـب عمـر لـه بـروج=الميت اللي مـات ذكـره وهـو حـي
وسلامتكم

اخوكم
عبدالله النفيعي

أبو نجر النفيعي 19-Nov-2007 11:11 PM
..
مامات من بالطيب عمـر لـه بـروج
الميت اللي مـات ذكـره وهـو حـي

.

أبو محمد .. صح لسانك واعتلا شانك ..

قصيده في قمّة الجزاله ..

.

ننتظر جديدك ..

البيـــــــــرق 19-Nov-2007 11:22 PM
السلام عليكم ورحمة الله وبركاتة
ماشاءالله اخوي عبدالله النفيعي
قصيدتك طيبه بلحيل ماشاءالله
الله يرفع قدرك في الدنيا والاخره
والله يجعلنا منهم

بارك الله فيك وجزاك الله خير وكثر الله من امثالك .

معلا إبراهيم الأسعدي 19-Nov-2007 11:30 PM
نعم نعم

صح اللسانك كلام جميل ومعبر من الطراز الثقيل

بارك الله فيك

تقبل تحياتي

اخوك / شامان الاسعدي

صنداح الزلامي 19-Nov-2007 11:31 PM
عبد الله النفيعي صح لسانك
ابدعت قصيدة جزلة

عبدالله النفيعي 21-Nov-2007 03:30 PM
اقتباس:
المشاركة الأصلية كتبت بواسطة أبو نجر النفيعي (المشاركة 483731)
..
مامات من بالطيب عمـر لـه بـروج
الميت اللي مـات ذكـره وهـو حـي

.

أبو محمد .. صح لسانك واعتلا شانك ..

قصيده في قمّة الجزاله ..

.

ننتظر جديدك ..
ابو نجر

اشكرك على مرورك الكريم
صح بدنك

سلملي على الشايب السلام الكثير

محمد النخيش 18-Dec-2007 05:12 AM
مامات من بالطيـب عمـر لـه بـروج
الميت اللي مـات ذكـره وهـو حـي

الله الله الله الله عليك

صح لسااااااااااانك قصيده جزله وليس بمستغربه منك
وبيض الله وجهك

محب الهيلا 18-Dec-2007 05:17 AM
مشكور وماقصرت

عيضه الثبيتي 18-Dec-2007 05:55 AM
ولو زاد هرج الناس لاتصير مزعـوج
مانقصـو مـن قـدرك وقيمتـك شـي


ابيات حكمه تحفظها من أول ما تقراها

مامات من بالطيـب عمـر لـه بـروج
الميت اللي مـات ذكـره وهـو حـي



والله ياعبداله ياهالبيتين انها تساوي قصااااااااااايد



تقبل إعجابي


الساعة الآن »10:10 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd