http://www.m5zn.com/uploads/50e0317c5c.jpg


الا يازينـها في البـــر خيـمـه ،، ورى المطلاع مع سيد الملاحي

تهّـل مزونها في الجو غـيـمــه ،، تغطّي كفوفها شمس الصباحي

حطبنا النار شبّت في صميـمـه ،، عليه البن في دلّته فاحـــــي

سقى الفـنـجـال من يدٍ كريـمـه ،، تمد الكف من تحت الوشاحـي

وقالت سـم في نبـره رخـيـمـه ،، وأحس الكف به نصل الرماحي

شربت الكيف في ذل الهزيمـه ،، ولقيت الصبر هو ذروة نجاحي

لمست الكـف قلت الله يديـمـه ،، خفوقي فز من زود إرتياحــي

وقلت الريم قالت عيـن ريـمـه ،،أخذت الفم في وضع إستباحي

قضينا الوقت في نشوه عظيمه ،، مابين الجد ساعه والمـزاحي

وكان الحب يحمل أي قيــمــه ،، تجلّت قيمته شـرق الليـاحــي

سألت الريم خلوتنا جريمه..؟ ،، ضحكت وعيونها تناظـر .... سلاحي

تقول ان كان ماتهوى الظليمه ،، حبيبي ارجوك..لاتطلق سراحي
منقووول الشاعر غير معروف