الهيـــــــــــــلا *** منتدى قبيلة عتيبة
صفحة 1 من 3 1 23
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   نقض وفتل رائع بين الشاعرين الكبيرين عبدالله الغامدي وسلطان الجلاوي (http://www.otaibah.net/m/showthread.php?t=53821)

ابو سعيد 16-Nov-2007 10:29 PM
نقض وفتل رائع بين الشاعرين الكبيرين عبدالله الغامدي وسلطان الجلاوي
 
بسم الله الرحمن الرحيم

اخواني العتبان ابارك لكم في نجاح ملتقاكم وصراحة شي مشرف وهذا غير مستغرب على قبيلة مثل عتيبة

هناك محاورة قوية جداً بين الشاعرين الكبيرين المعروفين عبدالله بن سالم الرفاعي الغامدي وسلطان الجلاوي العتيبي حبيت انقلها لكم لقوتها

ملاحظة الشاعر الكبير عبدالله الغامدي يتميز كذلك بحسن الصوت وهذا مقطع من بداية المحاورة صوتي للشاعر عبدالله الغامدي

التحميل من هنا






المحاورة مكتوبة



عبدالله الغامدي

سلام الله على الهيلا عتيبة نقوة الفرسان=رجالٍ يشهد التاريخ لاولها وتاليها
يامستور العصيمي لاتزعل صاحبي سلطان=تراها واضحه ولا انت بسلوبك تخفيها

سلطان الجلاوي

الا يامرحبا ترحيبةٍ يرجح بها الميزان=نيابة عن عتيبة عزوةٍ يكفيك طاريها
وش دخلك يالغامدي في هرجة الاخوان=توقع والذيابة لاتعجب في مساريها

عبدالله الغامدي

عتيبة عزوةٍ مهيب تجهل واجب الضيفان=نصيحة لاتولع نار ماتقدر تطفيها
علومي كلبوها عند عمك شايب الشيبان=تبرا يالجلاوي والقضية عند قاضيها

سلطان الجلاوي

الايالغامدي في واجبك ماحاصلاً نقصان=ترا واحد من العتبان ليامن قام يكفيها
الا يالغامدي عمي مصيبة في نحى العدوان=وانا عمك وعدواني ملوي روس اذانيها

عبدالله الغامدي

سمعتوا ياعتيبة ويش قال الشاعر البطران=غشيمٍ من يديه يكحيل اعيونه ويعميها
تدف بلير لسهوم الخطر ياكوفي ابن عنان=تمدح يالجلاوي وانت ماتقدر تسويها

سلطان الجلاوي

ياعبدالله علومك كلبوها مالها محيان=الا يازينها مابين بايعها وشاريها
انا احظي رمابي يالعصيمي في نحى الثيران=عسى من جاب ثيران العرب يقدر يوديها

عبدالله الغامدي

تشب النار ازيد النار والميدان ياحميدان=ابن مشيب وابن عاصم نويت اكوي علابيها
يامستور العصيمي مانواخذ جاهل الورعان=قبل ماربي الورعان وش رايك تربيها

سلطان الجلاوي

هذا الميدان ياحميدان وين انته عن الميدان=تشب النار ونهايتك والله لاحذفك فيها
موار الساعة ان الغامدي قابل ولد شيبان=وهذا الغامدي يالربع طبعاً من مواريها

عبدالله الغامدي

تقوله وانت ياسلطان ماتقدر على النيران=نسيت العام وانت تقول نارك ماندانيها
عسى ربي يجيبك في يديني في بلد زهران=وتقعد ليلتينٍ عندنا منته بناسيها




اتمنى ان تنال اعجابكم

ابن نور العضياني 16-Nov-2007 10:40 PM
كان ودي تنزلها كامله يابو سعيد

ماقول الا بيض الله وجهك ولا هنت على المحاوره ياذيبان


تحياتي

عبدالله بن دبيس العتيبي 16-Nov-2007 11:12 PM
بسم الله الرحمن الرحين

السلام عليكم ورحمة الله وبركاته

مشكور ياخوي ابو سعيد وصح الله السان الشاعرين عبدالله الغامدي وسلطان الجلاوي


وتقبلوا تحياتي

الصريدحي (الدغيلبي) 16-Nov-2007 11:52 PM
مشكوور ويعطيك العافيه


بس ما جا فيها الا البيت الأول للغامدي


لو تقدر تجيبها كاملة ؟؟؟؟؟؟؟؟؟؟؟؟؟؟؟؟؟؟؟؟؟؟؟

الـثـقـفـي 17-Nov-2007 12:14 AM
مشكور ياذيبان وياليت تنزلها كامله وتقبل مروري
ابن عمك ...(عزيز الثقفي)

روح جاي 17-Nov-2007 12:43 AM
محاوره قويه وابدع فيها ابو صاهد

مشكور

ولـــد السلاطين 17-Nov-2007 01:05 AM
متى ماصار التعصب في المحاورة اخرجها عن الفن والذوق والاداب

والله يرحم ايام مطلق ورشيد الزلامي وصياف الحربي

نايف الثبيتي الروقي 17-Nov-2007 11:38 AM
لاهنت وبيض الله وجهك


يابو سعيد

تكفى ان قدرت تنزلها كاامله نزلها ولاهنت

فارس نجد 17-Nov-2007 02:14 PM
يا شباب المقطع ما اشتغل معي ياليت تعيدونه او تحطونه بصيغه صوتيه اخرى وشكر

عبدالله هادي ناشي الفليت. 17-Nov-2007 11:29 PM
جميــــــــــــل جــــــــــــــــــــــدآ


لاهـــــــــــــــــــــــــــــنت


الساعة الآن »03:47 AM.
صفحة 1 من 3 1 23
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd