--------------------------------------------------------------------------------

تكفا ترى تكفا تهزّ الرجاجيـل \\\\\\\\\\\\\\\\\\\\\\\\\\\\\\\\\\لولا صروف الوقت ماقلت تكفا




بيت مشهور من أكثر القصائد التي كثر اللغط حولها ...

اليك القصيدة كامله..

اما لطمنا العيل والا الطم العيل
...........مادام شب النار مندوب الاطفا

من ذاق حر القايله يعشق الليل
...........ومن شب ضوه ليلة البرد يدفـا

امسيت في جيلٍ ولاهوب ذالجيل
...........واصبحت والا ديرتي شبه منفـا

واللي حما بيته بطيـرن ابابيـل
...........ماجيت ادور كل من صد وقفا

ولاجيت ابشحذ يانما دلّه وهيل
...........جيتك وجرح الظلم غاديه يشفا

جيتك بكلمه كنها صعقة الويل
...........ان قلت تكفا لاتهـاون بتكفـا

تكفا تراها كلمةٍ تقطم الحيـل
...........لابالله الا تنسف الحيـل نسفـا

تكفا ترا تكفا لها هدرة السيـل
...........في صدر حرٍ ينتف الطيب نتفـا

تكفا ترا تكفا لها تسّرج الخيـل
...........ان كان لك في مجمع الخيل عسفا

تكفا تراني من قرومٍ مشاكيـل
...........حماية الساقه بسيـفٍ وشلفـا

تكفا وتكفا ماتسـاق لمهابيـل
...........تكفا تخلّي القرم لاشٍ وهطفـا

تكفا ترى تكفا تهزّ الرجاجيـل
...........لولا صروف الوقت ماقلت تكفا

شكرا على مرورك يالغربي

صدقني لاأعرف سمعت بعض الأقاويل ولكني أشك في صحتها
ومن هنا نطلب من الاخوان الاعضاء من يعرف قائلها فل يفيدنا ويذكر المصدر