| صخر الهيلا |
12-Nov-2007 10:56 PM |
تاج الشرف
حايز على تاج الشرف مسدل الكاب=يمشـي علـى متنـه نجـوم مهلـه
يسعى ومسعى سيد الأمن ما خـاب=الامن يفـدي سيـد الامـن كلـه
الامن نايف وانت نايف، والارهـاب=يخاف مـن نايـف ونايـف يذلـه
يا سيدي هذا وطن كل مـن طـاب=هذا وطن ذخـر البطـل فـي محلـه
العاهل اللي ما قفـل دونـه البـاب=من دون عـدوان الوطـن مرتكلـه
ما يلمسه بإذن الولـي رب الاربـاب=سيف العدو اللي غـدر بـه وسلـه
حنا جنود للوطـن نثنـي الارقـاب=ونعـدّل المايـل بـدقـه وجـلـه
ندعس على الحيه وندعس على الداب=ومكاننـا بيـن النجـوم المطـلـه
ما بيننا كـاذب وغـادر ونصـاب=في ملة الاسـلام هـي خيـر ملـه
والغادر اللي جاب غدره ولا تـاب=لا ينتظر دعـواه فـي غيـر حلـه
تقطعت من دون مبغـاه الاسبـاب=لسباب غـدره حيلتـه مـا تدلـه
ما يدري ان الامن نايف، والارهـاب=يخاف مـن نايـف ونايـف يذلـه
|
