رفيع المنزل ادخل بالخفاره مكتب التحقيق=و هات اسمك كما هو فالبطاقه واسر يا ساري
بعدها نرفع اقوالك لقاض المحكمه ( تصديق )=عرفنا وجه خوّان الصداقه واسر يا ساري

الا يا الفالح اللي تسمع اهل الزور والتلفيق= اثر يلعب بعقلك كل عاقه واسر ياساري
وش اللي ترفعه مادام ماللسالفه توثيق=طبخها فلان واشهد له رفاقه واسر ياساري

انا منكرك وانته مالك الاّ الضرب والتصفيق=ومعنا لا تسوّي لك علاقه واسر يا ساري
تدرّق فالرجال اللي تفك البل نهار الضيق=ترا هذاه من زود الحماقه واسر يا ساري

نويت اصفح عن المجنون حتى يعتدل ويفيق=بعدها ياخذ من الورد باقه واسر ياساري
انا من العزوة اللي قلت وش نفعي من التلصيق=وبيت الكذب مايذري رواقه واسر ياساري

ابا اضيّق علاك الحبل وأزود لك التضييق=مدامك خاين وقطّاع ساقه واسر يا ساري
ترى اسمك واللقب ثنتين لا يمكن علاك تليق=نظرك لتحت وعلومك دقاقه واسر يا ساري

على هرج ٍ تقوله لي لاتعليق لاتعليق=تعرف الخاين وراع السراقه واسر ياساري
تحاول ترتكي للحمل وانته للحمل ماتطيق=فشلت ولاانت عارف للباقه واسر ياساري