ياكعام المعادي ياكريم السبايل=ودي الليلة اسمع منك ويش انت قايل
وانت شاعر وانا شاعر وشب الفتايل=واول الغيث قطره واخر الطب كيه

ياكعام المعادي ياكريم السبايل = ودي اخذ علومك وانت تاخذ علومي
جدد اللي مضى لك بالليال الاوايل=لين يطلع علينا الصبح مافيه نومي

محتزم بالسيوف وكل راسن نقصه =يارفيع انت لك بين الرياجيل قصه والذيابه اثرها منت قادر تقصه = ( اول الغيث قطره وآخر الطب كيه )

ياصحيبي تحزم لاتضيع القوايل = الملاعب هنا والرمي دون النجومي
ودي اعطيك علمً مير ماني بقايل = مانبا نزعل اللي في طرفنا يحومي

محتزم بالسيوف وكل راسن نقصه =يارفيع انت لك بين الرياجيل قصه والذيابه اثرها منت قادر تقصه =( اول الغيث قطره وآخر الطب كيه)

ياصحيبي تحزم لاتضيع القوايل = الملاعب هنا والرمي دون النجومي
ودي اعطيك علمً مير ماني بقايل = مانبا نزعل اللي في طرفنا يحومي

ماطلبتك مرامي حرب يابن الحلالي= ودي استانس الليلة ويرتاح بالي
والهوى مايحرك راسيات الجبالي = واول الغيث واخر الطب كيه

مابكم ياجماعه غير هرج الهوايل = لكن اللازمه تلقى رجال اللزومي
عطني اللي معك وازعل جميع الفصايل= مالبسنا ثياب ٍ قاصرات الكمومي

نعرف الحرب خدعه مع رجال الفراسه = والوناسه لهلها يامدور وناسه
مار مول وحدد للميانه قياسه = ( اول الغيث قطره واخر الطب كيه )

النشاما لهم تنخا حسان الجدايل = محتمين التوالي يوم كلن يشومي
انت من قوم ابو زلفه عليك الدلايل = مار ياصحابنا سيفه عليه الثلومي

فيه للحرب ناس ان كان نادى نداها=والوناسه لناس ٍ ضامن ٍ من بلاها
وكل قوم نعاملها على مستواها=واول الغيث قطره واخر الطب كيه

والنعم لكن العربان صايل وجايل=كل ناس ٍ تحصل قسم بين القسومي
ابك انا من رجال ٍ كاملين الخصايل = عز الاصحاب لكن بلشة ٍ للخصومي

هب يالي تعرف الحرب واهل الحقايق = مار حملك يزوزي بك ولا انته بطايق
وانت منته بلا القرقاح ولنت بن شايق = ( اول الغيث قطره وآخر الطب كيه )

ماعلاكم زياده ياعيال الحمايل = قسمنا روس قومً بين ربعك قرومي
انت رجلً دليله ماتبا لك دلايل = مار زودة نومك واخلفتك الحلومي

اعرف الحرب وادخل نارها مااتهيب=والحموله بظهرك وانت رجال طيب
وانته مانته بلا مستور ولانت بحبيب=واول الغيث قطره واخر الطب كيه

ماانتم اخصامنا من بين كل القبايل=لكن اعرف من تخاطب وحاذر تزومي
والله اني لااعاملكم بلطف وسهايل= غير لاشفتكم ترقون فوق الرجومي