مرحبابك يالتحدي خلها الليله تحدي=والعلوم اخذ وعطى والليل جيب اللي تجيبه
كان ماودك فانا ياصاحبي ذا الليل ودي=كل واحد ياوسيع المعرفه ياخذ نصيبه

البقاء بك والطويلة من نصيب اللي يعدي=وانت ما دامك عتيبي ما نسميها غريبة
نقطة التفتيش قدمك ياطويل العمر هدي=من يوصلها بسرعة عالية ياخذ ضريبة

العلوم اخيار وانته وش تجيب وش تودي=لاتضيق ابك الوسيعه وانت من عزوة عتيبه
ماعلي اخلاف منها الحظ ماهو بـ متردي=وانت مدري عنك تبغاها رضى ولا غصيبه

البحر هايج نشوفه بين جزر وبين مدي=والمصيبة لو يجي فيضان ويحدر شعيبة
ماعليك خلاف مار العلم يارجال جدي=انتبه في حق نفسك لاتضوي لك مصيبة

كان سدك باح يارجال انا ماباح سدي=والبحر لاتقربه كم جاه سباح ايغديبه
يالتحدي لاتعاندني ترى منته بقدي=مايصح الا الصحيح وكل جرحن له طبيبه

ناصر المرشدي صح لسانك
مرورك يسعدنا ويشرفنا

كلبونا للصمود... وكلبونا للتصدي=والمريض اللي يعالج يلزمه يسمع طبيبه
اعتقد موقفك جنبي يافتى ما انته بضدي=وان زغرك ابليس دخلك التحدي وسط جيبه

ياوسيع المعرفه ماني بتارك ورث جدي=من يخلي ورث جده علمه لايعتزيبه
انت كنك منت متعشي ولانته بمتغدي=والكلام اللي تقوله مايفيدك وشتبيبه