بيني وبينك يا ناصر لا يطول النزاع=الجدي في منزله وسهيل في منزله
والله ونعمين يا ناصر طويل الذراع=والاوله جابها اللي يكسب الاوله

تضيق بعض الصدور ولاتضيق الوساع=لكن علي العضياني ماهوب لهله
ياكاسب الطيب دنيانا تراها متاع=في هالزمن لاطاري طاري ببالك قله

اللي منوّل ليا قال الاوامر يطاع=اليوم ما لدّ فيه الجاهل من اجهله
تال الليالي يضيع الحق والحق ضاع=ويجيك ناسٍ تثير الشك والبلبله

انا ماسب الكريم ابن الكريم الشجاع=ولاني بجاهل ولا أجهل والجهل ما اقبله
قامت تهب الهبوب وطاح منها الشراع=بس العلم جاه شيخ من الشيوخ حمله