من الفوز للتمجيد للطيب للمدهال=صروح التحدي تعجز اللي يعديها
لكن انت عديت التحدي وشبرك طال=موزاقيف هامات العلا ماتخليها
وهذي تراها هامة العز والابطال=تحدي وفوز وسمها اللي تسميها
كسبت الرهان وبرهن القول بالافعال=بذودن عسى عين الحسد ماتراعيها
مداهيل وضحن كنها شهلة الشلال=تحدر على روح التنافس لقانيها
طرفها سعد وجه السعد واحذف المعدال=اذا كان مافازت وهذاه راعيها
تفاخر عتيبه فابن غازي وفي فنجال=رجال ينومس فالمواقف تحديها
ابارك لهم والفوز لاهل الوفاء مدهال=نتيجة تحدي سمها اللي تسميها