الهيـــــــــــــلا *** منتدى قبيلة عتيبة - قصيده لشاعر نايف الروقي بمناسبه المزايين

مرحباترحيب غالي بالضيـوف وبالقبيلـه =ربعي الهيلا قبيلـه غاليـه بيـن القبايـل
متعبين الجيش فالميدان والخيل والاصيلـه=فعلهم يشهد له التاريخ ورجـال الحمايـل
ياصلون اللي يبونه عندهم بهـون وسيلـه = صيتهم معروف مابين العرب والراس طايل
من قديم الوقت يوم الناس كلن من حصيله = ذبحة الحايل عواديهم وتلطـم كـل عايـل
يحتمون الماقف الغصاب بسيوف ٍ صقيلـه = اسمها الهيلا الرجال اللي تعدل كـل مايـل
والعدو يسقونه السـم الذحـاح الله وكيلـه = ماغدى تاريخهم بين العرب والشك زايـل
في مواقفهم سوات الموت من يقدر يجيلـه = لحتما الميقاف في ميقافهم كـل الصمايـل
علمهم دايم صواب ورايهـم مافيـه حيلـه = من هوازن تنتمي ماهوب هرج وقول قايـل
من تحداهم وحـول فـي نحاهـم عزتيلـه = الله اكبر من يناحي قوم مرويـن السلايـل
اسمها الهيلا على كل العرب دايـم مهيلـه=الرجال اهل الوفاء واهل الفخر واهل الفعايل
ماختلف منهاجهم فالدرب خطوتهـم ثقيلـه = ياردون الموت وقت الحرب يشفون الغلايل
فزعة المظيوم واهل العز وبيـوتٍ ظليلـه = عندهم عزم وجهد وامثالهم خيـر المثايـل
كل شيٍ بان يوم النار شبت فـي الفتيلـه = والقبايـل كلبوهـم طيبيـن الهـم فعايـل
وليلة ٍ تجمع قبيلتنـا تراهـا اعـز ليلـه = بارك الله في مزاينكم وفالهجـن الاصايـل
جمعكم غاية مراد ويبري الـروح العليلـه = بارك الله فالرجال اللي يعشقـون الاوايـل
عاد عيد المسلمين شهور وسنين طويلـه = ياعسى الامه بخير وجعلهم بافضل فضايـل
تحت ظل الحاكم اللي كـل مداتـه جزيلـه = كل فعله خير ضافي مثـل همـال المخايـل
ياعسى عمره طويل وعز منهـو يلتجيلـه = المليك العادل اللي فيـه خيـرات وجمايـل
وعشت ياسلطان يلي كل حمـل ٍ ترتكيلـه = خيركم زايد مع العربان مثل السيل سايـل
ياولي العهـد يلـي كـل شـيٍ تحتسيلـه = فيك كل الخير ياسلطـان يقـاس البلايـل
ياعيال العود يلي فالعـرب ماجـاء مثيلـه = احتماها من بحر جده ليـا ظلعـان حايـل
المليك اللي جميع النـاس دايـم تنتخيلـه = يشهد لتاريخ له بين العرب مالـه مثايـل
دامت الدنيـا بخيروكـل هـم الله يزيلـه = والله انه ينصر الاسلام واصحاب الفضايـل
ياصلاة الله على محمد صلـوات ٍ فضيلـه = الرسول الهاشمي اللي بعث خير الرسايـل