مرحبا بالشاعر اللي يوم جانا ازرا يغني=والسبب مانعلمه والله يعلم بالسبايب
انت ياسلطان احسبنك على فكري وظني=مالقيت اللي نقوله فيك لله العجايب

البقا بالشاعر اللي بعد جيت أله متعنى =لايحسب كل همي فالقصيد وفالطلايب
اليدين اللي عطنك يابن ثعلي قد عطني =بس عقلك عقل ورع صغير لو الراس شايب

الصحيح يصح مني والغلط ماهو بمني=وانت ياسلطان من كلفك تنشب فالنشايب
يالجذع سلطان خابر فالعرب شيعي وسني=العن الشيطان واحرص لاتطير مع الهبايب

ماعالك خلاف يانايف لو العرف متدني =مار سلم لي على قوم يسدون النوايب
الله اكبر كم حمستك يابن ثعلي حمس بني =كل ليل اأسٌوقك سوق العسيف من الركايب

كلمتك ماهي بصح ولو تمناها تمني=ابشر اني فاللزوم اللازمه مانيب غايب
ماعلي اخلاف طول الوقت عايش ومتهني=وانته اللي كل ليله من مصايب في مصايب

ان عطيتك علم يابن روق رد العلم عني =الحقايق ماتغير والخطاء ماهو بصايب
لاتقوله وانت ليلياً من أصحابك توني =والله انك فالشعر لن قلت وان ماقلت خايب

انت ماعندك علوم ٍ صايبه لاتمتحني=انشد العراف والعقال جعلك للعقايب
الحقيقه واضحه مايتفق فنك وفني=مار لايلعبك الشيطان ملعون الصلايب