الله أكبر ياعيونن تذرف ادموع حزينه=من مقادير الزمان ومن مصاديف الليالي
ماهقيت ان الفراق أصعب على العاشق سنينه=لين ذقت المر من فرقاه واصبح لي محالي
وماكسبت الا الجروح الخافيات إبي الدفينه=ليت بعد الغيبه اليوم يعرف اللي جرالي
اشتكي هم الغلا والحب لازم تعرفينه=ماوقع به واحدن ماقال ياعزي لحالي
الهوى يأهل الهوى من طاح به ربي يعينه=فيه شر وفيه خير وفيه مر وفيه حالي
إشهدي لي يانجوم الليل وانتي تعرفينه=واحد ماضي بحبه عهد ماعنها ميالي
كنت أحسبه نور عيني وكنت أضني نور عينه=مادريت انه يلاعبني يمينه بالشمالي
ماعرفته لو عرفته ماسألت إن راح وينه=ولو دريت ان الهوى قد قاتلن قبلي رجالي
مامشيت الدرب كله لا شمال ولا يمينه=ابعد الخطوه بخطوه بعد مافيها مجالي