البارحة عديت في راس مرقاب = رجمن ندر فالناس منهو بدابه
وايقت من عاليه واعين كتاب = والنص وش سوو نهار الحرابه
كتاب نجد اللي لقى كل الأعجاب = تأليف ربعن مالحقهم غرابه
هيلا تهايل لاحصل هوش وطلاب= حريبهم ينحش ويترك زهابه
ذباحة الحايل ليا صار موجاب = لطامة العايل حزامي عتابة
دون الخوي تفتك عسرات الانشاب= وموتن على شانه تراها تطابه
وفي ملتقاها ملتقى نسع الأرقاب = نجدد اللي من عصور الصحابه
البل لها في داخل القلب مضراب = نوماس شاريها وفخر ومهابه
نفتكها من دون فتال الأشناب = وليله ليا جيناه لاماهتنابه
وياللي تبا الكاتب ومن وين ماجاب = هاعان خلق الله وتلقى الاجابة