وين اللجنه عن الرحاله وحفاوتهم فيهم لما وصلوا للموقع
 

السلام عليكم ورحمة الله وبركاته
اليوم جاني خبر من وصوول رحال جاي من الاحساء من الشرقيه على ظهر مطيه
بيض الله وجهه والله لايهينه
ولكن مو ضوعوي انا والله انه يحز بالنفس
والموضوع عن الرحاله الي وصلو يوم الاربعاءللموقع
انا جتني اخبار الرحاله الثلاثه الي انطلقو من منطقه الدمام الى موقع الملتقى والمزاين
الله يبيض وجيهم ولايهينهم على فعلهم هذا ووالله ان فعلهم هذا يستحق اهتمام كثير فيهم وعلى تعبهم الى ماااهتمو فيه اللجنه في استقبالهم وحفاوتهم لهم
طبعا الكل عارف ان اللجنه الاعلاميه سوت معهم مقابله وتصوير بالطريق وهم طالعين من شقراء وتقريرهم موجود مثبت
وهذي صورهم الي صوروهم اللجنه اثناء مقابلتهم لهم ولقائهم لهم
http://www.up.5alid.com/up/uploads/dd4d9060d5.gif
عادل مطيلق العضياني
http://www.up.5alid.com/up/uploads/6bf43851bb.gif
ابراهيم مرزوق العصيمي
http://www.up.5alid.com/up/uploads/29be96b3e5.gif
نادر فهيد الرويس !!طبعا اللجنه غلطو بالاسم كتبو اسمه ناصر
http://www.up.5alid.com/up/uploads/e20246574f.gif
هذي صوره مصورها الاخ بدر المقاطي بمخيم سعود المريبض صوره لركابهم امام المخيم اخذتها من موضوعه اتمنا مايزعل مني الاخ بدر بس حبيت ابين للجميع كل شي حتى بالصور؟؟؟
http://www.up.5alid.com/up/uploads/719082d09c.jpg
وهذي صوره اخذتها من المنتدى هنا مصورها احد الاخوان كاتب عليها اسمه ابو عيون اشكره شكر خاص على تصويره بشكل عام ومنزلها لموضوع له وصادفت كاميرته وصول الرحاله للموقع وهو يتجول بالموقع طبعا اعتذر منه لاني اخذت الصوره وحطيتها هنا بموضوعي هذا
لان الموضوع والله يحز بالنفس الي سووه الاخوان شي مو بسيط كان من المفروض لهم وضع ثاني واهتمام كبير؟؟؟
http://www.up.5alid.com/up/uploads/a2951d7a28.jpg
طيب انا عتابي وموضوعي كله وين اللجنه الاعلاميه عنهم لما وصلو مقر الملتقى بالتصوير ومقابله لهم وحفاوه لهم على وصولوهم وتحمدا لسلامتهم وينهم عن ضيافتهم والاستقبال الحارلهم او الي سووه هذا شي عادي عندهم ليه مافيه اهتمام لهم وين اللجنه وليه ماسوو معهم لقاء بقناة الساحه وفقره لهم يتحدثون فيها عن انطلاقهم وكيف كانت الرحله معهم حتى وصولهم الي موقع الملتقى؟؟؟؟؟؟؟
طبعا الشيخ سعود المريبض بيض الله وجهه جاه خبر عنهم وكان بإتصال مستمر معهم واهتمام كبير لهم واستقبلهم استقبال حار وقام بضيافتهم ومسكنهم يوم الاربعاء اول ليله من وصولهم واليوم الثاني الي هو يوم الخميس عزمهم الشيخ امير الروسان بيض الله وجهه عبدالعزيز بن جامع
الله يعطيه الصحه ويقومه بالسلامه ومعه ابنه جامع بن عبدالعزيزبيض الله وجهه
وضيفوهم واهتمو لهم اهتمام كبير
وانا واثق تمام الثقه لو درو عنهم امراء فخوذ عتيبه الي متواجدين مااظن بيخلوونهم يمشون كل ليل وهم بضيافة واحد منهم ولكن
الرحاله حسب الكلام الي وصلني انهم مشو وماكانو متوقعين ان اللجنه بتتركهم كذا بدون اهتمام واستقبال على مشاركتهم هذي الي والله انها تبيض الوجه ويستحقون عليها تكريم لهم وضيافه
طبعا اليوم الخبر الي جاني عن الرحال الي وصل اليوم السبت انا والله مااعرف اسمه ابن الحلال ولكن الله يبيض وجه ولايهينه
رغم ان اصحاب الفكره الاولى وحقوق الطبع محفوظه لهم من بعد ملتقى عتيبه بالمنطقه الشرقيه بكم يوم حسب علمي وطرحو هالفكره والموضوع على اللجنه
عند وصوله للموقع صار له استقبال والشرطه معه بدخوله للموقع وهذا شي طيب الي سووه له واستقبلوه حتى موقع الملتقى ولكن ماادري عاد وين راح هل هو راح لمخيم الملتقى او غيره هذي مااعلم عنها
بس بداية دخوله جاني مقطع تصوير له قصير جداا لانه جاني عن طريق رسالة وسائط
والمقطع ماعرفت كيف انزله هنا لان مركز التحميل ماينزل الا صور بس؟؟؟

وكلهم والله عيال عمي ويشرفني مايسوونه من جهد ومشاركات سواء الثلاثه او الرحال الي وصل لحاله لان انا عندي مبداء وقاعده ان كل عتيبي ولد عمي من برقا وروق ولاعندي تحيز بينهم
وترا كلامي هذا ماجبته من فراغ لاوالله انا بصراحه جبته من مصدر موثوق وشرح لي الوضع وانا بحكم اني عضو بمنتدى الهيلا حبيت اطرح موضوعي هذا ويقراه الجميع
وانا اسف جدا على الاطاله ادري اني طولت عليكم بس غصب عني حبيت اوضح كل شي
اخووكم الفارس

بيض الله وجهك يــــ(الفارس 919 ) على طرح هذا الموضوع وانا والله مستغرب من كلامك هذا انا متوقع انهم بيجيهم إستقبال غير لكن والله غريبة .. على العموم تحياتي . أرجو تقبل مروري

اظم صوتي لصوتك يالفارس كان لازم من اللجنه قناه الساحه يستقبلونهم استقبال حافل

الفارس 919

كلامك صحيح ..وقد قام الشيخ المريبض بتكريمهم ارجو الاطلاع على الموضوع

http://www.alhaila.net/m/showthread.php?t=51548

واهني فيك حميتك لابناء قبيلتك وللفعل الطيب.

هلابكم
 

السلام عليكم
يسعدلي صباحكم
اخواني
عصيمي نت
روح جاي
عبدالله الغربي
نايف المحمد
اشكركم جميعا على مروركم وتفاعلكم معي على هالموضوع
الي يستحق فعلا الاهتمام له
وبالنسبه لخوي نايف المحمد فعلا كلامك صحيح وتسلم على هالخبر
لاني مارديت الحين الا بعد ماسألت وتأكدت انه فعلاا الشيخ سعود المريبض قدم لهم دروع ومكافأت ماليه
ولكن الهديه السيارات هذي ودي انك اخوي نايف تتأكد منها لان الكلام الي تأكدت منه انه بس درووع ومكافئه ماليه
وماهي غريبه منه الشيخ سعود المريبض كريم وسمعته معروفه
ووالله ان الواحد يعجز وهو يشكر للشيخ سعود المريبض
بما قدمه في ملتقى عتيبه
من تبرعات والدعم الامحدود
تكفي بس ضيافته واهتمامه لهم هذا شي كبير بحد ذاته لانه من جاه الخبر عنهم وهو مهتم لهم حتى وصلو لمخيمه
واستقبلهم استقبال حار
وهو كريم بطبعه وهم يستاهلون
بس كان ودنا انهم يظهرون بمظهر جيد امام الحضور ويكون لهم استقبال
ومقابله وتكريم من لجنة الملتقى
لان على وضعهم هذا اعتقد ثلاثة ارباع الحضور بموقع المزاين
مادرو عنهم
وهالشي يستاهل انهم يكونون بالصوره امام الجميع
لانهم ابناء القبيله وعانين من بعيد لموقع المزاين على المطايا
وهذا شي مو قليل الي سووه

بيض الله وجهك يابو فهيد والله انك سنايدي ولا يهونون اخوياه الي شدو الرحال معه

كلامك صحيح بس وش تقول الشكوى لله
وها القناة اللي اسمها الساحة مالها اي وجود يذكر ولا تفاعل تجينا الاخبار وتتصور بلوتوث قبل لا ينقلونها ...ما عندها الا اعادة الفقرات
مع ان الملتقى مليء با الاحداث والمستجدات اللي تستاهل النقل
مثلا حفل المريبض كان مليء با الاحداث ومع ذلك لم يتم نقله وباقي احتفالات القبيله اللي كانت رائعه بكل شيء وتستاهل النقل ؟؟!!!
يجب ان تتصرف اللجنه الاعلاميه في الموضوع هذااا وياليت لو احد يوصل صوتنا او يساعدنا ..........الفزعه يا بني عمي..

هلابكم
 

انتظر رد اللجنه الاعلاميه على موضوعي هذا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟