الهيـــــــــــــلا *** منتدى قبيلة عتيبة - حداية سليم في مخيم آلاد عاصم عند اباالعلا

كثيرا مانسمع تلك الاصوات التي تنعق بان المزاينات تعتبر إذكاءاً للعنصرية القبلية وإحياءاً لتلك النعرات الجاهلية ولا أجد حجة لدحظ هذا الكلام إلا تلك ماحدث يوم الخميس الموافق: 14/10/ 1428هـ عندما قدم مجموعة من الرجال من ابناء قبيلة سليم إلى مخيم العصمة في موقع المزاين عند أبا العلا وهم يحدون , ومن شعراء العصمة الموجودين مستور العصيمي- عبدالله بن مقبل العصيمي- يوسف العصيمي- حزام العصيمي حجرف- العصيمي وإليكم حداة سليم ورد العصمة عليها
(حداة قبيلة سليم للشاعر سعد الله حامد السلمي)

سلام تسليم الوفــــــــاء عداد همــــال السحابــــة
تنصى الرجال أهل الكرم والطيب ورجال المهابة
كسابة الطالات يانعميــــن يالهيــلا عتابــــــــــــة
يشهد لها التاريخ والأفعــــــــال تشهد كل حيـــــن

والثانية جار الوفاء من طبعنا نحسب حسابـــــــه
واجب على الرجال يم أهل الوفاء يتعب ركابـــه
مقدار للوافين واللي طيبهم كل(ن) درابـــــــــــه
عتيبة اللي في مواقفها كما الحصن الحصيــــــن

والثالثة دعوة عتيبة ليا دعونا مستجابــــــــــــة
حنا سليم اللي لهم تاريخ من عصر الصحابــــة
عز الصديق وفزعة المظيوم والمخطي عذابــه
تاريخنا يشهد لنا طول الليــــــــــالي والسنيـــن

والرابعة يالله يامنزل على الهادي كتابــــــــــة
انك لتهلك شلة الأرهاب وفلول لعصابـــــــــــة
وانك لتحفظ مملكتنا والملك تحفظ جنابـــــــــه
عبدالله اللي مد كفه مثل همال الغشيــــــــــــن

ثم تقدم عبدالله بن مقبل العصيمي وألقى الرد ومن خلفه آلاد عاصم

الأولــة يامرحبا واللـــــي يسلم مرحبا بــه
عداد ماخط القلم فوق الورق حرف الكتابة
يامرحبا وصدورنا فيـها لكم قدر ورحابــه
الله يحييكم على عــز وعلى سمن وسميــن

والثانية ياجارنا جيرتك مافيها غرابــــــــه
انته قصير الدار من قربك نعدك من شبابه
جيراننا وسونا وسلومكم فيها تشابــــــــــه
والطيب دايم وزعةًََ بين الرجـــال الغانمين

والثالثة تشريفكم في حفلنا ياأهل الحزابـة
يزيدنا عز وفخر والسيف عزه من نصابه
حنا عتيبة في نهار الكون مشبعة الذيابـــة
يشهد لنا الله والقبايل كل أبوهـــم شاهدين

والرابعه ياللـــه ياللي فاتحن للخلـــــق بابـــه
أنك توفقنا وترزقــــنا دعــــــاة مستجابـــــــه
وانك تكافينا من الارهاب واذهب من سعى به
اللي تتبع سنـــة الغــاوين وأبليــس اللعيـــــن

ثم شارك مستور العصيمي بقصيدة وموال وقد فاجئنا أبو تركي ولم نستطع تسجيل القصيدة ولكن حفظت الموال وهو كالتالي :

يامرحبا ياهــــلا بـاسم الهنيـــدي هلا
حنا ترانا عصيم وشيخـــنا ابا العـــلا
سلايـــل اللي لهـــم تاريخ بين المــلا
والدهر يومين يومن لك ويومن عليك