قصيده نجد ، ادخلوا يااهل المعرفه
 

انا اطرح القصيده هذي واتمنى اللي يعرف شاعرها يكتب اسمه
الله لا يهينكم

لا مايزين الشعـر، ونظـم القوافي *** إلا اذا اطريـت نـجـدٍ واهلـهـا

له تطـرب الابيـات، ويحـن قافي *** ونفسي بذكرى نجـد يبعـد مللهـا

يا أعذب أرض الله، ترى الخل وافي *** ما تستمـع روحـي لمنهو عذلهـا

نعرف ترى المعنى ، ونقرا الخوافي *** ونقـدّر العربـان، وندمـح زللهـا

بحورنا الطِـيـْـبة، ونجد الضفافي *** يلبس لباس المجـد كل من دخلهـا

ياديرت خوالي يكفي غرامك تلافي *** بازهب الابيـات، واطلـق رسلهـا

هيضتي الخفـاق وبـانـت خوافي *** يالعنبو قـــلــبٍ يدور بدلـهـا

لو أوهبك عمـري فلاهوب كافـي *** ياأرض ،، ياللي كثيـرٍ فضلـهـا

انتي مطـر عمـري بوقت الجفافي *** لا ياخزامى الـروح، أو هو نفلهـا

نجـدٍ!! ديار العـز ماهـوب خافي *** شيوخ العرب منها ، هني من نزلها

الله يحييك يا اخي الكريم ..

قصيده جميله الله يعطيك العافيه ولعل احد من الاخوان يعرف راعيها

تقبل تحيات اخوك \ ابن فرحان

حياك الله ياهلا ومرحبــــــــــــــــــــــــا

ومشكور على القصيده الرائعه

يسعدني مروركم
ابن فرحان & وابو فراس

واشكركم على التواصل معنا في هذا القسم

واتمنى من اللي يعرف شاعر هالقصيده يكتب اسمه
ولكم مني فائق الاحترام والتقدير