سلام مني للرجال المناعير=من دار حاتم للعتيبي مرده
أهل الصحون الوافيات المداوير=فعولهم حق علينا نعده
ما ينكره إلا خسيس وخنزير=نفسه عن علوم المراجل مصده
مركاضهم يشبع به السبع والطير=وكم واحد سيف العتيبي يقده
عدوهم لو هو أبا زيد والزير=أصغر عتيبي بالملاقاء يصده
أيام جهلن أنتهت وأقبل الخير=عقب العداوه يالقبايل موده
في حكم أبو تركي تهل التباشير=حر شلع بحكمه ليانه وشده
ومن بعده عياله ذياب مغاوير=مشوا على درب ونهج معده
واليوم وضع المملكه عندنا غير=في ظل من حب المواطن ووده
وولي عهده منبع العز والخير=يا الطيب كله يا خواله وجده
يا عتيبة الهيلا كعام الطوابير=يا رجال ياللي كاسبين الموده
نبي نجيكم يا عتابه مسايير=والطيب يا الهيلا لزوم نعده

المشاركة الأصلية كتبت بواسطة السميــــــري (المشاركة 453590) ابن الطنايا ... ارررررررررحب في محلك .. وحياك الله يالغالي .. وقصيدة عملاقة .. بيض الله وجهك ..

المشاركة الأصلية كتبت بواسطة موازي سرابه (المشاركة 454694) يمـــــــــــرحبا كثــــر الــــــــزهر والنـــــــواير كبـــــــــــر الربيع اللي جــــــزيـــل(ن) ممده حيالله هل الطيب

المشاركة الأصلية كتبت بواسطة شاعر القوبعه (المشاركة 454907) قصيده جزله والله يقويك

المشاركة الأصلية كتبت بواسطة عبدالله الجـــذع (المشاركة 454994) هلا ومرحبا والله بالطنايا والله أنا نحبكم حب مايعلم به الا الله .. حياكم الله فيي محلك يالغاليــــن...