الليـال دروس وايامهـا تعطـي عـبـر = وعتبـر منهـا ولابـد احفـظ دروسهـا
كورةٍ متحمطـره نورهـا شمـس وقمـر = ماتغيرهـا البشـر لـو تشـب كبوسهـا
ماتغير غيـر بأمـر الله ونرضـى بالقـدر = الله اللـي عالـمٍ بختـلاف ضروسـهـا
عشت فيها لين ميـزت فأصنـاف البشـر = مثل اصابع كـف يمنـاي يـوم اقوسهـا
قد ذكرهم ناس فنيو وفـي هـذا العصـر = والله اعلـم مـا تكـن البشـر بنفوسـهـا
ماكثر اللي صحبته تـدرج بطـن وظهـر = هب من ضحكة سنونه تشوف ضروسهـا
يلبس ثيـاب الكـرم والشهامـه والظفـر = لين يقضي حاجتـه ثـم رمـى ملبوسهـا
اعرفو هذا الـردي وقمعـوه ليـا ظهـر = عقربٍ تحت الثـرى لظهرتلـك دوسهـا
صحبة الخايب خسـاره وتنزلبـك حـدر = اشبـه بـدارٍ قفـر ماتشـاف عسوسهـا
وصحبة الطيب تجاره كما الروض الخضر = مرتـعٍ لأهـل الوفـا متمـل جلوسـهـا
لابغيته تاجـده فـي ليـان وفـي عسـر = المراجـل فـي يمينـه كفـو ويروسهـا
تشفق ان طول غيابـه وتفـرح لا حضـر = خـوت الطيـب يعـزك فخـر ناموسهـا
رحلة الدنيا قصيـره ولـو طـال العمـر = احتسو دور الليالـي ودور تروسـهـا
كلها رحله من اقصى الحجاز ليـا الحفـر = بعدهـا ترخـي عليـك الليالـي موسهـا
يالله انـا عذتبـك مـن عـذابٍ فالقـبـر = لاسكنت بحفرتـي ثـم تـداوى سوسهـا
وأنجنـا يالله مـن حـر ومصـالا صقـر = ساعـةٍ ماينفـع الخلـق كثـر فلوسـهـا
والختام اللهم اصلي علـى سيـد البشـر = عـد مـاء البحـر واليابسـه وطعوسهـا