يامل قلبٍ تصافق به هوى الطايف .....
 

قصيده للشاعر المميز / ضيدان بن قضعان


يامل قلبٍ تصافق به هوى الطايف
كما تصافق هبــــــوب النود فـ الــردف

يقوله اللي بدا في العالي النايف
شرف وليته صلاة العصر ماشـــــرف

شرف ودمعه على الدراج ومهايف
دمعٍ ســـــــرى الليل لاكمل ولاطـرف

عليك ياحلم شيخٍ مقفيٍ عايف
شــــيخٍ ليا حدت الايام يتصــــــرف

مانيب من يتبع المقفين يانايف
طبعٍ ورثتـــه من اللي مات ماخرف

من صد صديت لو هو بالغلا كايف
وانراح جعله مراح الطيـــــر لارفرف

وسلامتكم

وانت سالم يا ابو فراس اختيار مميز .. الله يعطيك العافيه

تسلم يابن فرحان واشكر لك مرورك

يعطيك الف الف عافيه على القصيده الرائع يا ابو فراس

وصح لسان الشاعر

من صد صديت لو هو بالغلا كايف
وانراح جعله مراح الطيـــــر لارفرف

وبيت صراحه قوووووووووووى
اخوك الطيار

مشكور اخوي الطيار على مرورك وتعليقك الجميل

وصح لسان من قالها

وتقبل تحياتي