طاري ٍ لي براسي ياعتيبه كلام = مير وين القبيله وين شعارها
ودي استانس الليله واسوي نظام = لكل ناس ٍعطوها فوق مقدارها

طارين لك طواري يارفيع المقام = العوارف عوارف وأسمع أشوارها
قالوا المحترم مايجهله لحترام = والليالي خطيره كثرت أخطارها

يابو عايض تبي تسري بليل الظلام= وانت ليتك تشوف الشمس وانوارها
قالوا المتهم مبعد عن الاتهام = لين تثبت عليه الحجه حصارها

قسمنا سالم وقسمك عليه السلام=البيوت الستيره تهدم أجدارها
أنت تدري وش الي صار بعد الصيام=المسافه بعيده وأنت مشوارها

دوب ريشك تصفصف يافروخ الحمام=والحرار الشهيره تعرف اوكارها
ماتعرف الحلال ولاتعرف الحرام = والجهل مشكله يحتار بيطارها

منهو الي تجاهل في دروب النظام=والعرب جاهزينٍ لك على أدوارها
اليهودي يهودي ما ركع للقيام = والصحيفه نسمرها بمسمارها