من يعرف هذه القصيدة بالصيغة الصحيحة / زمن القائل
 

يا عل قلب ما يهوجس ويهتـــم = يكويه من بين المعاليق حـــامي
ياحي ياللي باول الحـــــــد ملتم = واليوم مع سموى القبايل قسامي
غدوا فراقين مع الناس وأقسم = وراحت منازلهم سواة الحـلامي
يا راكب حر يخم الوطا خـــــــم = يطوى غياطين الخلا طي خامي
مورد النسنوس وافي المـحزم = ولا هوب دان ولا اقعس بالسنام
بين الشقارة والشعالة يتـــاهم = وعينه كما كير الصنانيع حــامي
خفه تقول ريال كنه مقلـــــــــم = وزوره عن الكيعان شبر تمــــام
ومربع يم الحجر مــــــــا يلطم = أما مع ابن صويط وإلا ابن لامي
وجابه بطيني سروق مــــتاهم = خذه على خيط الشفق بالظلامي
ونصابه الهكرة وظلا بسوم = وشراه من هو صامل يوم ســـامي
ولد المريبض بالمطاريش مهتم = وقلبه من الفرقا طواة الهيامي
إلى أن قال :
وروح عصير وعقب الأخير نسم = في قصر بن ناصر كريم الكرام
ولا نشدك وقمت عقبه تعلــــــــم = علم ترى حمض الرجال العلامي
أذكر غرضك وبخصمه ما توهم = ونزل لك العتبان علم تمــــــام
وذكر على عرجا نجور تزاهــــم = نجور برقا مثل حس الدمامي
واسرح وقيلهم على الهون ما اهتم = وخصه على الروسان صلب العظامي
ولا ضربت الجو عرض وتعزم = يحييك من هو صامل يوم قــام
خاله وابوه مطبعينه على سم = ومن غير دينه جوده بالخطــام
وحولت للمجلس وفزم وقامم = وعقب المصافح ريعوا بالسلام
أهل بيوت جعلها ما تهدم = ولعلها بالعز دايــــــــــــــــم دوامي


ياخوان هذه القصيده من القصائد النادره في موروثنا الشعبي وبحثت عنها
من زمان فوجدت منتدا القبيلة لايضمها بين صفحاته العطره واستغربت ذلك
لانها قصيده تاريخية ومؤثرة جدا وتحاكي حقبة تاريخية , فياليت من توجد لديه القصيده بصيغتها الصحيحة ان يضمنها في منتديات القبيلة ومن قائلها هل هي كسلا بنت المريبض ام سلطان المريبض وماهي المناسبة .

لا احد يجيب؟؟

الله يعطيك العافية بس انا سمعت انها للشاعره( كسلا ) بنت سلطان المريبض

القصيدة للشاعر سلطان المريبض عندما كان في الكويت وكانت بنته \كسلاء صامته وتفكر فقال لها تهوجسين فالعرس يعني الزواج فقالت له
ياعل قلب مايهوجس ويهتم
يكويه من بين المعاليق حامي
فقال لها انا اخو طفله هذي لي واكمل القصيدة وحسب علمي ان الشاعر قدعاصر ايام مثل ا لرضيمه والمجمعه

القصيده تجدها كامله في كتاب تاريخ نجد في عصور العاميه لابو عقيل الظاهري الكتاب عشرة اجزاء فيه سفر من جزء يتكلم عن الشاعر العلم سلطان المريبض الرويس وفيه كذلك قصيدة المريبض الرائعه في كون المجمعه
تحياتي

تسلم علي المعلومة وجزاك الله خير