ياسلامي عليكم يالرجال القروم=من هجوس(ن)تصافق فالحشا جالها
كل طير(ن) معه جنحان يقدر يحوم=والحرار النوادر فالنا فالها

مرحبا يالمسلم عد وبل الغيوم=والبيوت الجزيله حض من قالها
قمت يالحر الأشقر جعل حضك يقوم=والكحيله لفاك اليوم خيالها

البقا يالمرحب فاللقا بالسلوم=في حلال توسع صدر من جا لها
مالنا فالدعاوي يالهلالي لزوم=دام حظي مشاريف السما طالها

هات دق العلوم وهات جل العلوم=وكل حسنه تجازا عشر بمثالها
كان حضك وصل ياصاحبي للنجوم=العرب ياعميل الخير بافعالها

فالعلوم الجزيلة يالزميل امخدوم=مار فتح عيونك زين واصحى لها
والفعايل ختمنا فوقها بالختوم= وانت لا زيدها ولا أنت بهلالها

فيه معطى من العالم وفيه محروم=والعلوم الهزيله مالك ومالها
الحقيقة تراها ياقوي العزوم=دلتك شارب ٍ يا صاح فنجالها

ياحليلك تحسب ان العوافي تدوم=طحت فالمصيدة وازريت تشتالها
ما بقالك معي ياكود فرك الخشوم=ودلتك يالهلالي ناثر حثالها