هات القلم ماعـاد فيهـا نقاشـي=
=سجل سلامي للرجال المداغيـش
ذباحـة الحايـل بقـل المعاشـي =
=لطامة العايل بعـاد المطاريـش
ريف الكبود اللـي عليهاغشاشـي=
=ملجا الظعيف اللي عياله دراويش
ربعي هل الفزعات قدحي وكاشي =
=منهم ذراه بحزه الضيق مانيـش
دون الرفيق الروح تجلب بلاشـي =
=العمر من دون الرفاقه علي ويش
عتيبه الهيلا لها الـراس شاشـي =
=الياتناخو صار بالراس تشويـش
مثل البحر موجه لاجاك طاشـي =
=مرويت روس الرماح المعاطيش
عسى المزاين لسحاب الرهاشـي=
=مجمع عتيبه مخلصين المباليـش
عاش المليك الفيصلي عاش عاشي=
=وتحيا حكومتنا علي راغد العيش