طواري وأنا يم الطواري غشيم أدروب= ليا جاني الطاري على طول خاويته
لو أنه يوديني لجمر الغضى المشبوب =لحقته وسلاني بهمي وسليته
يوديني اللي ضحكته ضحكة الغرشوب =منى قلبي اللي صفحة البعد طاويته
وأنا ماتبعته شوق لاكن غلا المحبوب =يخليني أقطع ساقته ناحرن بيته
على الود نقضي ليلتن عدها محسوب = أنا والقمر واللي من الناس حبيبه
واسولف عليه ويستمع غاية المطلوب= وشاكية من ضيم الجفى يوم حسيته
وأضمه غلا وأبكي علي حظي المغلوب = وعاتب جفاه ولابدى الشوق ضميته
ولاخزني بالعين جريت أنا المسحوب=قصيدن علشان الغلا فيه سويته
يبادلني الضحكة ويرجف كما المرعوب = وأنا أبادلة وأن حول الدمع مشيته
ولارحت عنه أسري وأنا خاطري مغصوب= ولو كان في ودي ولايوم خليته
لاكنة خيال الطاري؟ مولع المنكوب =يجيني وأنا لامر طاريه خاويته