راكب اللي ما تجيبـه وكالـة بالبيـد=ولا يجيبه بهبهاني ولا وضيحي قطـر
ادهمٍ وسم الجميح علـى جنبـه جديـد=مهبل اللي يوم عرض يحسبنـه شفـر
جمـس شكمانيـن ملقبينـه بالولـيـد=من سرابه ما يغبط القصيبـي والجبـر
كاتبينٍ في ضمانـه حديـده مـا يبيـد=تمرةٍ قاري عليهـا حفيـد ابـو بكـر
كن وجهه لا نطحته تشعشع صبح عيد=وان قفيته كنه السيل لا سـال وحـدر
وان عرضلك في مزاياه من عنق الفريد=وان ركبته تحسبنك على سطح القمـر
دقته نغمة عبـادي علـى سلـم فريـد=لا عزف الاول وجاوب على عاشر وتر
لا شتغل قالت شكامينه اركـد ياحديـد=والقزوز تقـول للقـاع روح يـا فقـر
كن الشكمان الايمن صدى عبد المجيـد=وكن الشكمان الايسر صدى نايف صقر
والبلوف تقول للكهربه هل من مزيـد=والسيور تقول للمروحـه ايـن المفـر
تحت كبوته من الفن طيـران وعبيـد=ما يغنون المسافـه ولا طـال السفـر
كل اغانيهم على الدرب واصل ياعنيـد=لين تلفي قصر شيخ على العليا شهـر
سايقه من صلب ربعي وله باس شديـد=ما يخاف البعد والليل والموت الحمـر
من صناديد ال عرجاء هل العلم الوكيد=لابةٍ من جن تمشي على هيئـة بشـر