ياهجوسي سيري بـي فالشمـال وفالجنـوب =شبـه النيـران والنيـران مــن شبابـهـا
الرحـاه المستديـره مالهـا غيـر الحبـوب =والافاعي مالهـا غيـر الكسـر فـي نابهـا
ابتدي في قصتي وابني بيوتي طـوب طـوب =والجزيلـه عدهـا فـي لحيتـي واشنابـهـا
سيف.. ( حمزه ) في زمانه يبتر متان الذروب =وسيفنا مسلول لرقـاب(ن) تطـول علابهـا
من يسبك يارسول الله .. فـي دربـه لهـوب =قو .. نار(ن) تصطلي بالـدرب مـن لهابهـا
يالله إنا .. داعيينـك فالشـروق وفالغـروب =انـك تزلـزل علـى الكفـار فـي دولابهـا
وتحفظ الدين المنير اللي وصل كـل القلـوب =وتحفظ سيـوف(ن) تلامـع قوهـا بنصابهـا
وانك تعلـى بيـارق قوتـك فـوق الشعـوب =وانك تحرك شعـوب(ن) ساليـه ... لكتابهـا
القلوب الجامده وقت اللقـا .. لا .. ماتـذوب =لجل عزك يارسول الله ..( تهون صعابهـا )
البيوت الراسيه لـو هبهـا صلـف الهبـوب =ماتمايـل دامهـا محفوضـت(ن) بأطنابهـا
يالله انك ترسل..(السجيل).. والطايـر ينـوب =والقوافـل ساريـه لـو تستـلـج كلابـهـا
وانك تحفـظ الكتـاب وتمٌـن إبـك القلـوب =وانك تحرك شعـوب(ن) ساليـه ... لكتابهـا