يالسبيعي قدمك البحر هايج يالحبيب= طافحٍ موجه ويغرق ولاانته تقدره
من يعاند بحر هايج ياعبد الله يشيب =وان نجا ملفوظ مافوقه اللي يستره

مرحبابك ياحمود المطيري ياصحيب = مرحبا ترحيب منا ليوم الآخرة
والله اني خابرك لاتودي لاتجيب = والبحر ياصاحبي والله انا نغمره

انت مثل اللي مضيع ياعبدالله ذهيب = مالقاه وله زمانٍ وهو يدوره
خبرنا بك نجم فالمنتدى ذا ماتغيب = مير جا للنجم تال الزمان مدمره

الله أكبر يالمطيري ترا منته رقيب = من يشوفك قال لك جبت علمه واخبره
الجنون تخاف لاعاينت في ظل ذيب = وانت مالك غير من يقبرك في مقبرة

امرك انته يالسبيعي ذالليله عجيب = كل ماحطيت قدمك مطبٍ تطمره
لكن ابرميك يالذيب في وسط القليب =والقليب ابها حيايا وزود امسكره

منته براعي مطب مير هيٌد ياكليب = والمطيري هو هو لو يحسن مظهره
ياجماعة خير شوفوله الحل القريب = قبل لانمسحه مرة واشوته واكسره

فيك عله خافيه يالسبيعي ماتطيب=والمطيري زين القاف وانته تدمره
العمى لو يرمي الله يصيبه مايصيب=مندمر حظه ولايمكن انا انطوره

أنته اللي فيك علة ولا جالك نصيب = المطيري يكسر العظم وانُا نجبره
يالمطيري كوم منُُا تراك انته قريب = ياهل الوقفات لالعب معنا نحشره