أصغ المسامع ياحفل لابن عبـود=عبود بن ريمـان نمـر النمـاره
عليه رحمة والي العرش من عود=عود على الجزله يسوق البشـاره
ويارمرحبا ياوفود في محفل الجود=في محفل يحفض لضيفه وقـاره
في محفل معهود مافيـه منقـود=الاد شافـع شـيـدوه بـجـداره
وسلام ماذعذع هوى النود يافهود=يـلاد عاصـم ياسبـاع المغـاره
يلاد عاصم ياهل الفـود والـزود=يانعـم والله بالجبـر والامــاره
ليا جا نهارن فيه حاوي ومردرود=سقم الحريب اللي براسه صطـاره
وعتيبه الهيلا ليا ارست كما الطود=كما المحيط الـي عميـق قـراره
ياما لهم بالعز من يـوم مشهـود=يوم على حد السما صلـو نـاره
واليوم امان وخير وسهود ومهود=بحكم السعود الي عـدال مسـاره
ال السعود مزبنـة كـل مضهـود=وهم علة الخصم العنيـد ودمـاره
وال السعود سلالة باسهـم فـود=اقمار نجـم ساطـع فـي مـداره
حكامنا الي قـادو القافلـه قـود=عز ورخا وحصون علم وحضاره
وحمو حدود الدار عن كل مقـرود=ارهـاب فكـر ضيـع الله قمـاره
هذا واقول لمبتدا القول مقصـود=وقولو معـي يامرحبـا بالزيـاره
زيارة عزيز بيننا اليـوم موجـود=يوسـف هلابـه قــرب الله داره
شرف ولو دونه مسافات وحـدود=ضرب على الكايد بعـزم وجبـاره
وبذل الكسب الطايله كل مجهـود=والناقصه والباقـه عـن يسـاره
معربن معـروف بنسـاب وجـود=وفي لابته لـه قيمتـه واعتبـاره
والجود في سيمـا فتـى الجـود=معقودوالعز والنوماس دايم شعاره
ومن الملوك الصيد بالخير موجود=وهذي دلايل نصرتـه وانتصـاره
نصر مبين برغم حاسد ومحسـود=تصدح به الهيلا بعالـي النمـاره
وتم وكمل قاف بناه ابـن عبـود=اخير من كثر الكـلام اختصـاره
وصلو على المختار ماهبت النـود=واعداد مـن زار المشاعـر وزاره

المشاركة الأصلية كتبت بواسطة نبض عتيبه (المشاركة 426258) صح لسان الشاعر ونعم بعيال العم العصمه

المشاركة الأصلية كتبت بواسطة شامان الاسعدي (المشاركة 427604) بارك الله بك , شكراً أخي الكريم