واعيوني اللي من بلاويهن بكنْ = ودموعهنْ فوق الخدود اذرفنـْي
( بالـخـفـا ) مـاجـى بكاهن في علـــــــنْ = وبظلمة الليل البهيم اهجدنــْـــي
تبكي على ايـام (ن) تـقـافـن وابعدنْ = ايام راحن ليتهن يرجعـــــنــْي
أيام راحن عن حياتي ولاجــــنْ= ولااضـنـهـن من عـقـب راحـن يـجـنـْي
قـلبي عـليهـن ساهر اللـيـل ويحنْ = ولايـنـفـعـه لـو حـنْ كـثر الـتمنـْي
والـيـا طرنْ لي ذيـك الايـام يـاهـنْ = الـبـال تـقـل اللي لـجا فيه جـــــنـْي
ياما نـهـيـت عـيـوني الوجـد لـكـنْ = عن الـتـوجـد مارضـنْ يـنـتـهـنـْي
زادنْ علي اوجاع قـلـبي وزادنْ = هـمـي بـكثر دموعهنْ واخـلفـنـْي
واليا نـشـدني واحد (ن) عن بلاهـنْ = قـلـت البـلا مـجـهـول ياصـاح وانـْي
مـثـلك عن اسباب البلا جـاهـل ابـهـنْ = ولاعـندي امن الـعـلم علم(ن) يـكـنـْي
ياكـود حـسـرات (ن) بـقـلبي لــها دنْ = دن الـبـروق اللي دنن واظـهـرنـْي
في خـايـع (ن) لاصـوْت الـصـيْاح به رنْ = صوت(ن) على الذكرى يـعـود ويـرنـْي
لين اني القى في صـدى الـصـوت مـسـكن = يسـكـن جـمـيع اعـضـاي لـيـنه سـكـنيْ
واودعـني بناري وفي هم ومحنْ = واوجاع تـطـرد لذة الـنوم عـنـْي
لاادمـح ظـلام الليل بي ضامري ونْ = واصير في حالة كثير التجـنـْي
ويـشـيـب راسـي من بلاويْ واوهـنْ = واشـيـخ في عـز الـشباب وأسـنــْي

المشاركة الأصلية كتبت بواسطة كعام المعادي (المشاركة 425852) يـاكـود حـسـرات (ن) بقلـبـي لـهـا دنْ دن الـبـروق الـلــي دنـــن واظـهـرنْـي ..... ياسلام ياسلام ابداع وقاف يطرب وشاعر يطرب تقبل مروري بالمقدمـــه وصح السانك مدد بلا عدد اخوكـــــــ :: خالد المقاطي