اخواني اعضاء وزوار منتدى قبيلة عتيبة الهيلا


يسعدني ويشرفني

ان اضع بين يديكم هذه الورقه المتواضعه !!

متمنيا ان تحوز على رضاكم

ساقت مشاوير الشقاء .. واردف الليل= وسريت .. ودروب السهر سرمديه
ازريت اسوق الهم .. واحط .. واشيل = وتعبت اكابر... والمواجع نديه
الحيل مل من التعب .. مابقى حيل = والجفن.. ماله بالسهر مقدريه
البهذله .. والمهزله .. والغرابيل = ابطال ... وسنين العمر .. مسرحيه
والهم.. والحرمان .. والحزن .. والويل = ضيوف .. وجروح الوفاء .. شاذليه
والصمت ..والهوجاس ..بوح التعاليل = والخوف مسرى.. والليالي مطيه
يالله عسى درب السنع بالمقابيل = والا .. الليال اللي مضت جرهديه
حر(ن) كفخ .. واستأسرته المحابيل = وعقب السماء الرحبه هوى للوطيه
حر(ن) غدرفيه الزمن والمداخيل = مقرود وكفوف العطايا رديه
غلطة عمر منها جنيت البهاذيل = ذنوب غيري حطها الله عليه
غلطة .. ودحدرها القدر بالمحاصيل = ورضيت بالمقسوم غصب(ن) عليه
تناقلتها شلة القال .. والقيل =وحطوا عليها لين صارت .. قضيه !!
وقامت تناهشني رخوم الرجاجيل = اهل الملامه .. والعلوم الرديه
اللي تجيك اخبارهم بالتفاصيل = ويحرفون الهرج عن سوء نيه
بالله قل لي ياسود الوجه ... ياليل = وضح النوايا .. كيف صارت خطيه؟؟
قل لي .. من اللي ضلل الحق تضليل =ومن علم الوافي يخون بخويه ؟؟
ومن بروز الاوهام .. خدعه وتمثيل= ومن طلسم الواقع ؟ وخان الوصيه ؟
من قال لي.. دربك مهود..وتساهيل = ومن علم الضحكات تمشي عليه !!؟
من كفن دموع الوفاء بالمناديل ؟ = ومن هو جزاء الحسنه بمليون سيه
اللي قتل حلم الضلوع المناحيل = وقال انقتل فيك العوض والبقيه !!
جاوب سؤالي ياسود الوجه ياليل = وضح النوايا .. كيف صارت خطيه !؟

عادل الذيابي > أبو جبل <
{شعار اهل الغار}