قبيلتنا عتيبة ياهل الميقاف ياعتيبة = ياحي اسم يشوش خاطر اللابة ويطربها
وأنا مانلام في مدح القبيلة يوم اماريبه = اماريبه واجاريبه هل الزودة وازود بها
عسى من لامني في حبها ماينفعه صيبه = حسافة يارجال حزة الوقفة تجنبها

ما ينغبن من قال ربعي عتابه = ذباحة الحايل هل البن والهيل
لطامة العايل بوقت الحرابه = ربعن لهم في ماكر العز مداهيل
والحفل نفخر به وفي من سعابه = في ملتقى الهيلا تزين التعاليل

ملتقى الهيلا يبشر بالنجاح من البداية = فيه شي من التراث وفيه جمعاً للقبيلة
ومن ولاة الأمر يحظى بالحضور وبالرعاية = وباهتمام وبإلتزام(ن) بالتقاليد الأصيلة
والبل البل هي هوايتنا وياحي الهواية = حبها بقلوبنا مخلوق في دم الفصيلة

غلطان يالي شتات الشمل تسعابه = تبا تعالج نضرها وانت معميها
انا عتيبي ما عتدي فرق بعتابه = قبيلتي صفحت التاريخ يمليها
اليا اجتمع شملها هيلا وغلابه = ترجح موازينها على معاديها
في ذروة المجد للأرواح جلابه = قول الخلاوي بماضي الوقت يكفيها
واليوم دستورنا القرآن وكتابه = وعبدالعزيز البطل باسمه مسميها

تنفس الصبح وأنفاسه خذتها الصدور = اللي تدور بلفح القيظ حلو المهب
هبت بركته على الأمة بوقت البكور = في ديرة منزلتها (فوق هام السحب
الديرة اللي أهلها مالحقهم قصور = أهل الوفا وأهل المعروف واهل الشبب
واللي وضع لاسم شعبه فالمعالي حضور = يستاهل إنا نحطه بين عين وهدب
وأن قلت عبدالعزيز أهتز في الشعور = من يقدر يوصف التاريخ ياهل الأدب؟
أشرق غلاه بقلوب الشعب بأشعاع نور = تغرب شموس وتفيض نفوس قبل يغرب

طير ياللي تكسر الحوم في نجد العذية = بلغ اللي لاحقه شك عن واقع وطنا
وقل له إنا قوم مانعترف بالعنصرية = لكن الجمعه على الطيب من عادات أهلنا
وملتقى الهيلا تعدا الحدود العالمية = بعد ما تهايلوا ربعنا منا ومنا

ربعي عتابة لها وقفات معروفه = تشهد لها الناس قاصيها ودانيها
والجار لو جار نكرم دايم ضيوفه = والحيل لضيف تقدم في صيانيها
وخوينا لا كبر حمله على كتوفه = نشيل حمله وزلاته نسويها

لنا المجد والتاريخ والعز والهيبة = مكانه حفظها الوقت للروقة وبرقا
مواكر حرار لا تسموت من عتيبة = تفز القلوب وودها للسما ترقا
مواقيفهم تبعد عن الشك والريبة = على العز جمعتهم ولا كانت الفرقا

موضوعـ مرتــبـ اشــكركـ عليــهـ

وقــصــائــد ولا اجــمــلـ

باركـ اللـهـ فيكـ يامحــمــد ومــرحــبا فيــكـ بــيــنــا