علمن وكاد وسابقة حلف وشهود =وفوقة من الدعوى عهود وبراهين
أن قدر اللي باسط سبعة اوتود= اللي خلقنا من صلاصل ومن طين
لا أقطع وصال اللي تردا عن الجود= وأعز نفسي عن عيال الشياطين
قلتة وانا ما أوحيت عاذل ومنقود =ولا أخذت بالدنيا صعوط المجانين
عاقل وأميز قيمة النقص والزود =أجي النشاما وأتخطا الرديين
غضيت عن قولة عمى دون مقصود= وجربت زلات الرجال القريبين
وسمعت حكي سعود لاغاب مسعود= بوقتن تشع بة النمايم دواوين
هذا زمن نقاضت العهد والكود= بعض النفوس اللي تبور الموالين
راعي الردية بالردا صار محسود= يسبق على فعل الردية ملايين
لاجيتهم قدرك فلا هوب محمود= كبودهم لك نازراتن ملاعين
ولاصرت في مجلاسهم منت موجود= مايسالون أفلان وين ومشا وين
فرقاك يفرحهم ولاصرت مضهود =محدن يبادلك أضتهادك من البين
واليا بغوا المصلوح هجولك حشود= ياكثرهم عندك ليا أحتاجوا الدين
وأن قل مالك عشرتك مابها فود =مثل العروش اللي خذتها السلاطين
ولونك تسايرهم على المدح والهود =ذموك والا قالوا أفلان مسكين
مير الليال البيض تفرق عن السود =والوقت فيه الزين فايق عن الشين
بعض الرجال أوصالها درع مسنود= تذكرك بالمعروف لو مرت سنين
تدمح خطا الصاحب ولو كان معيود= تعرف معفتها من الوجة وتبين
تفزع معك للضيم لاصرت محدود =لا أحتجتهم بالمال مدولك أيدين
مايحرجك بالدين والوصل ممدود =ماطق بابك عقب ما أعطى بيومين
مالة مثل مالك وملفاه محصود= لاطحت شالك بالمعزة وباللين
ينشد عن احوالك ويقطع لك حدود= لوتطلبة بالحال ما قال بعدين
يشرك افراحك من الورع للعود= يحزنة لاصابك دعات العدويين
عونك ولك محزم ومسند وبارود =لاضقت ضاق وشرهتة تسعد العين
يحتار لامن شاف ناظرك معقود= يعطيك مايحسب عطاياه لك دين
يطم عنك لسان ناقد ومقرود= يفزلك فزة خيار الشياهين
هذا الرفيق اللي على هبت النود =تختار ريضانة مابين المقاطين
والطيب لاهل الطيب مفهوم وعهود =تاج على روس الرجال العفيفين
والا الردا بيتن مطرف ومهدود =ياعل من يبنيه يعطى عمى العين

أنا عطيتك كامل الحب يوم أنت = ما أعطيتني غير العنا وأندلاجة
ياكثر ما أعطيتك ولامنك عينت = غير التعب والهم في كل حاجة
عشمتني في نيل حبك وهونت = وأقفيت ياللي صار همي مزاجة
حسبي عليك من الحنايا تمكنت = وجرحتني جرح صعيبن علاجة
بالهم والتعزير فيني تفننت = وخليت في عمري تبين العواجة
قصرت عمري في فراقك وبينت = أنك تبي تاخذ من الراس تاجة
بغيت حقراني بفعلك ودونت = وغزيتني غزو أعشوي للخواجة
هقيتني سهلن تهينة ولاهنت = وردت من بيرن شحيح هماجة
ودارت بك الافلاك من بعد مازنت = وخسرتني يارافعن في حجاجة
ليتك بغيت الصد بالهون وأعلنت = وأعطيت قلبي من هوالك أنفراجة
ماكان لاعانيت صدك ولاكنت = أترك ربيع الوقت وأتبع عجاجة
غلطان أنا اللي في غرامك تهاونت = وأعطيتك المطلوب يوم نتواجة
دليل غلطاتي معك يوم ماخنت = وعزرت في قلبي وزدت أنزعاجة
ليتك رحلت ولاعلى ضامري منت = ولاسقتني في سكة الانعراجة
أنا أشهد أني من تصاريفك أمنت = أن العطا هالوقت يصعب نتاجة

ياعيد قل للزين لارحت يمه = يلطف على حالن فراقة قسمها
قله شبيب من الجفا زاد همه = وعليك نفسه همها مارحمها
قامت همومه وسط قلبه تخمه = وحالة تقطع جلدها من لحمها
وجسمه تبعثر مالقى من يلمه = وروحه بدت تزهق ويقضي نسمها
من العنا والبهذلة فار دمه = ووسط الحشا نارة تواقد فحمها
من وين ماوجه يشوف المطمه = دورات بقعا يوم تفتح بفمها
واللي ترا حوله نفوسن تذمه = تبدي ظليمتها وهو ماظلمها
ولولا المخاف بنار بعدك تزمه = وياخيبة العزوة متى مانهمها
مجلاسهم مابين حقدن ونمه = ناسن على قول المثل ماهضمها
عوق الصحيح وعادلين المرمه = اللي تدسم خبثها من شحمها
قلبن توسوس به وقلبن تسمه = مثل الخشوم اللي تزايد عرمها
كد فرقت مابين ناسن ملمه = عذال والعذال محد فهمها
راحت ضحاياهم رجال مهمه = وحتى الهلالي في قصيدة شتمها
يحكالهم والناس كلن بيمه = وياويل من مثلي بعشقة لزمها
وأنا وجودي وجد عايد على أمه = اللي نهار العيد قام وعدمها
حكم عليها الشيخ من دون ذمه = وبالموت في حكم الظليمه حكمها
وقاموا عليها الناس وعيال عمه = هذا يكتفها ..! وهذا حزمها
ووقف ودمعة يدمر اطراف كمه = وصلى عليها من بعد مارجمها
وأمسى يصيح بعالي الصوت يمه = ويشقق إثيابه ويمسك قدمها
وينحت بذكراها وساعة تضمه = وقام يتذكر يوم يسرح بهمها
ويطري بباله يوم يورد لجمه = ويملا رشاويها ويسقي غنمها
ومن الحسايف قبرها مايدمه = يحرث نصايب حفرته ويهدمها
مقابله في راس عالي المقه = عبرات عينة عقبها ماكتمها
ومن بعدها جوه غدا فيه غمه = تماكنت منة الليال بوهمها
وأنا أشتكيت أمري على من يتمه = اللي مقابيل الليالي علمها

هب ريح العليل ويمته من شمال = يوم هبت نسانيسة علينا طريت
جاء خيالك وذكرني وكن الخيال = ماتركني ولاكني تركت الكويت
والا أنا يوم أسافر قبل مدة ليال = قاصد أنساك لكن يالغظي ماقويت
حي طاريك ياللي دونك البعد حال = ياعذابن سكني حي واليوم ميت
قبل لاروح منك الدمع حول وسال = يوم شفتك تودعني بعينك بكيت
قلت أبغيب يمكن بالسفر لي مجال = أنتهي منك لحظة مير أظني بديت
أثر طول المسافة ماتزيل الوصال = لو تحول المسافة بيننا مانسيت
صار بعدك عذابي ياكثير الدلال = حدني عن منامي لين فيك أحتديت
زارني وإعتناني في رضى وأنفعال = نوب أغمض ونوب أفتح لقياه بيت
أفسح الفكر له وأجلس معة في الضلال = وأستمع له ولامنه حكا لي وحيت
وأتبادل له الهرجه بعف ودلال = وأن سألني عن الغيبات منة أستحيت
وأتحاشى سؤالة ثم أرد السؤال = ليه أنا كل ماقلت أنتهي ماأنتهيت

يامفكر تعذرلي وطبعك خجول = كان عندك سؤال وجاك رد السؤال
أدري أنك تمناني وقلبك يقول = لا تجي من يبيعك لو مجيه حلال
وأدري أنك تصنعت الزعل يازعول = من عرفتك ورضيانك وجوده محال
من متى جيتني حتى غيابي يطول = لك سنة وأنت مبعد ماطريت الوصال
تسمع الغير وأتصدق كلام الخبول = لين غروك يامسكين والبعد طال
ونزعوك الامانة لين صابك ميول = للخيانة وسموبك قلوب الرجال
علموك الخطا ماعلموك الفضول = أذبحوا فيك نوماس الغلا والدلال
وليتهم علموك البعد حسب الأصول = كان ماشفت دمعي من على الخد سال
هزني يوم بعدك جعل قربك يزول = يامعرض ظميري للتعب والهزال
عدت لاعادك الله مابغيتك تحول = مير جت خيرة لي مع مرور الليال
جاء بقلبي بدالك واحدن له قبول = هام قلبي بحبه والغلا لايزال
زايدن لي غلا وأنا علية مهبول = فيه شمس المحبة شفتها لي ضلال
لجل شوفه من الشوق أتعنى عجول= وهو بعد لجل شوفي خطوته بالعجال
وأنت يابايع العشره بديت النزول = ضاع حبك وطيرته هبوب الشمال
تدري أني على الفرقا عنيد وصمول= وأدرك أن الكرامة في محل العقال
ماتزعزع تفاكير الرجال الزحول = ياعديم الامانة لوملكت الجمال
مير رجع زهابك في شداد الرحول= وأبتعد شمس حبك بينت بالزوال