هلا باللي لها عيني وروحي كلها تشتاق = هلا باللي ذكرها في كثير الوقت احيا به
هلا باللي اذا غابت علي الكون كله ضاق = هي شمعة العمر ونور لدرب مشينا به
هي اللي روحي على قربها تشفق عليها اشفاق = شفقة البدو للامطار ودعوى رب رجينا به
اخايل زولها مثل البدو لمخايل البراق = لعل الخير في رجوا الولي يفتح لنا بابه
صحيح الود يحرق ياجماعه للضمير احـراق = ماغـير اجمع قصيدي ياحبيبي واتسلى به
انا المغرم وانا الهايم وانا الولهان وانا العشاق = وانا اللي مارضيت بغيرها وكلا له احبابه
انا مومن وربي جل شانه كافل الارزاق = عسى الله يقسمه لي في حياتي واتهنا به
انادي باسمها في كل وقتي واكتب الاشواق = واعيد اللي كتبته من ظروف الوقت واقرا به
على وضح النقا والعشق دايم سلوة الخفاق = ونار العشق بضلوعي لها عامين شبابه
تعاهدنا على طيب النوايا ونحفظ الميثاق = ومقصدنا شريف بسنة المعبود وكتابه
تمثلت وكتبت من الشعر ياصاحبي مالاق = وباهديك القصايد ياحبيبي لجل تقرا به
نمر يشكي على وضحى وصدره من زمان ضاق = وانا مثله حزين ودمعت الاعيان سكابه
عسى ربي يصبرني على ساعة لقا وفراق = لاشك ان الامل في كل لحظه نحسب حسابه

http://www.x88x.com/imgfiles/3lN81644.jpg

المشاركة الأصلية كتبت بواسطة سلطان بـن ربيــعان (المشاركة 423761) نمر يشكي على وضحى وصدره من زمان ضاق وانا مثلـه حزيـن ودمعـت الاعيـان سكابـه عسى ربي يصبرني على ساعـة لقـا وفـراق لاشك ان الامل في كل لحظه نحسـب حسابـه لله دررررك جزله من جزل وبيض الله وجهك عليهاا

هلا بك اخوي سلطان

ماعليك زود يالغالي ووجهك ابيض

الف شكر لك على تنويرك للموضوع

المشاركة الأصلية كتبت بواسطة شامان الاسعدي (المشاركة 424442) بيض الله وجهك قصيده جزله ياولد العم بارك الله فيك

ووجهك ابيض يالغالي وتسلم على مرورك العطر


والف شكر لك لتنويرك الموضوع بمشاركتك


وبارك الله فيك وبالجميع