ابي رأيكم بهذه الأبيات
 

أعضاء المنتدى الكرام
السلام عليكم ورحمة الله وبركاته
سويت لي كم بويت بشخص عزيز علي ويستحق مني اكثر من ذلك لأنه فعلا رجل طيب و فيه خير شرواكم
وابي تعليقكم عليها هل هي موزونه هل فيها خلل ارجوا منكم أبدا الرأي حولها .

واليكم الأبيات


سلام مني لمنبع الوفاء و الجود = ابو نايف راع الأفـعــال الجــزيــله

قرما للمعالي دوم يرقى سنود = وملجا لمن يشكي من هموما ثقيله

ومدهلا لرجـالا مشـاكيل وفهود = و شـوفـه دوا الكبـود العـليـله

مثايلا قلتها وعلى قولي شهود = من ضميرا صادق ونفسـا جميـله

اشكرك شكرا جزيلا اخوي فلاح الهاجري

كلمات جميله والله يوفقك

اشكرك شكرا جزيلا ابو براك الرياض

صح لسانك والله لا يهينك يالغالي

والله يعطيك الف عافيه

وتقبل تحياتي

ــأخوٍك بدر القحطاني

كلمات جميله
وصح لسانك
ونبي نشوف جديدك
وتحياتي

الأخ بدر القحطاني والأخ حمود النخيش
اشكركم شكرا جزيلا على مروركم وتعليقكم
وان شاءالله راح اشارك بمشاركات جديده قريبا

صح لسانك وبيض الله وجهك على هالابيات الجميله وقصيده وافيه من رجال وافي...